ဟိန်းကိုစိုး
ရန်ကုန် သြဂုတ် ၃၁ ။ ။ နာရေးကူညီမှုအသင်း (ရန်ကုန်) ၏ ၀က်ဆိုဒ်စာမျက်နှာကို Myanmar Muslim Cyber Force ဆိုသူများက သြဂုတ် ၃၁ ရက် က ၀င်ရောက်တိုက်ခိုက် (Hack) ထားသည်။
ရခိုင်ပြည်နယ်အတွင်း ရေဘေးကူညီကယ်ဆယ်ရေးလုပ်ငန်းများတွင် အစ္စလမ်ဘာသာဝင်များအပေါ် ခွဲခြားသည်ဟု စွပ်စွဲချက်ဖြင့် တိုက်ခိုက်ထားခြင်းဖြစ်သည်။
"STOP RACISM"ဟု အင်္ဂလိပ်စာဖြင့် ဖော်ပြထားပြီး၊ "ဦးကျော်သူရေ ခင်ဗျားကို အရင်ကတော့ လေးစားတယ် ဒါပေမယ့် ရခိုင်မှာတော့ ခင်ဗျားက ရေမြုပ်တာခြင်းအတူတူ အစ္စလမ်ဘာသာဝင်တွေကို ခွဲခြားခဲ့တယ် ဆိုတာ ၀န်ခံလိုက်စမ်းပါဗျာ ... နောက် သတိထားဗျာ နော်..:D"ဟု နာရေးကူညီမှုအသင်း(ရန်ကုန်) ၀က်ဆိုဒ် www.ffssyangon.org စာမျက်နှာတွင် Myanmar Muslim Cyber Force ဆိုသူများက မြန်မာစာဖြင့်ရေးသားထားသည်။
"ကျွန်မတို့ ခဏခဏ အဟက်ခံရလို့ အဲဒီစာမျက်နှာကိုတောင် update သိပ်မလုပ်ဖြစ်ဘူး။ သူတို့ပြောထားသလို မလုပ်ခဲ့ပါဘူး။ သွားလာရခက်ခဲတဲ့နေရာတွေ ကျန်ခဲ့တာပဲရှိမယ်။ တစ်ခြားနေရာတွေဆို ဘာသာ၊ လူမျိုးမခြားပဲ ကူညီတာ လူမှုကွန်ယက်စာမျက်နှာမှာ တွေ့နိုင်ပါတယ်။"ဟု နာရေးကူညီမှုအသင်း (ရန်ကုန်) ရုံး အုပ်ချုပ်ရေးမှုး ဒေါ်ဧရာမောင်မောင် က မဇ္ဈိမကို အတည်ပြု ပြောသည်။
နာရေးကူညီမှုအသင်း (ရန်ကုန်) ၀က်ဆိုဒ်စာမျက်နှာကို လွန်ခဲ့သည့် တစ်နှစ်ခွဲမှ စတင်ကာ အဖွဲ့အစည်းပေါင်းစုံ၏ မကြာခဏ တိုက်ခိုက်ခြင်းများ ခံနေရသည်ဟုလည်း ဒေါ်ဧရာမောင်မောင်က ဆိုသည်။
- See more at: http://mizzimaburmese.com/article/4008#sthash.W3fJRJWP.dpuf