ေျမာက္ဦးက ဆရာေတာ္ မိမိကုိယ္ကို ေသေၾကာင္းႀကံ၍ ပ်ံလြန္ေတာ္မူျခင္းျဖစ္ဟု ရဲမွဴးႀကီးေျပာ

စစ္ေတြ၊ စက္တင္ဘာ ၂၄။ ။ ရခုိင္ျပည္နယ္၊ ေျမာက္ဦးၿမိဳ႕ ဝသဲရပ္ကြက္ရွိ တကၠသီလဘုန္းႀကီးေက်ာင္းမွ ေက်ာင္းထိုင္ဆရာေတာ္မွာ မိမိကုိယ္ မိမိ ေသေၾကာင္းႀကံကာ လည္လွီးသတ္ျဖတ္ျခင္းျဖစ္ေၾကာင္း ရခုိင္ျပည္နယ္ ရဲမွဴးႀကီး ေနမ်ိဳးက စက္တင္ဘာ ၂၃ရက္က အစုိးရအဖြဲ႕႐ံုးတြင္ ျပဳလုပ္သည့္ သတင္းစာရွင္းလင္းပြဲတြင္ ေျပာၾကားလုိက္သည္။
ဆရာေတာ္မွာ ပ်ံလြန္ေတာ္မမူမီ ရက္ပုိင္းအတြင္း လြန္ခ့ဲသည့္ ၁၀ ႏွစ္ခန္႔က စိတ္ေရာဂါေဝဒနာ ျဖစ္ေပၚလာေၾကာင္း ရဲမွဴးႀကီး ေနမ်ဳိးက DMG သုိ႔ ေျပာၾကားသည္။
"ဆရာေတာ္ဟာ တစ္ပါးတည္း သီးသန္႔ေနတယ္။ ဇိနမာန္ေအာင္ ဆရာေတာ္က အဲဒီဆရာေတာ္ဟာ စိတ္ေဝဒနာကုိ ခံစားေနရတယ္လုိ႔ မွတ္ခ်က္ျပဳပါတယ္။ ေဘးနားမွာလည္း အိမ္ေတြ၊ လူေတြရွိပါတယ္။ တစ္စုံတစ္ဦးလုပ္တယ္ဆုိရင္ေတာင္ အသံေတြကုိ ၾကားလုိက္ရပါမယ္။ ၿပီးေတာ့ ဆရာေတာ္ရဲ႕ ေဘးမွာလည္း ပစၥည္းပစၥယေတြဟာ အေလအလြင့္ကုိ မေတြ႕ရဘူး။ တကယ္လုိ႔ တစ္စုံတစ္ေယာက္က သတ္ျဖတ္မႈ လုပ္တယ္လုိ႔ ဆုိလုိ႔ရွိရင္ ဒီအိမ္ထဲမွာ ဘ႐ုတ္သုခၡေတြ ရွိေနရမွာေပါ့။ အခုေတာ့ ပစၥည္းေတြက သူ႔ေနရာနဲ႔သူ ျဖစ္ေနတယ္။ ဆုိေတာ့ ဒီအေနအထားသည္ ဘယ္သူ႔ပေရာဂမွ မပါဘဲနဲ႔ တစ္စုံတစ္ေယာက္ကမွလည္း မလုပ္ဘဲနဲ႔ သူ႔ကုိယ္သူ လည္လွီးျဖတ္ၿပီးေတာ့မွ ေသေၾကာင္းႀကံတယ္လုိ႔ အတည္ျပဳပါတယ္"ဟု ရဲမွဴးႀကီးက ရွင္းျပသည္။
ဆရာေတာ္မွာ ေျမာက္ဦးေဒသခံျဖစ္ၿပီး၊ ဘြဲ႕နာမည္မွာ ဦးခႏၶီစာရျဖစ္ေၾကာင္း၊ သာသနာ့ေဘာင္ဝင္သည္မွာ ၁၄ဝါ ရွိၿပီျဖစ္ၿပီး မည္သူတစ္ဦးေယာက္ႏွင့္မွ် ရန္ၿငိဳးရန္စ မရွိခ့ဲဟု သိရသည္။ ဆရာေတာ္ ပ်ံလြန္ေတာ္မူသည့္ေန႔တြင္ သက္ေတာ္ ၆၇ ႏွစ္ရွိေၾကာင္း သိရသည္။
ဆရာေတာ္၏ ခႏၶာကုိယ္အား စစ္ေဆးရာတြင္လည္း လည္ပင္းတြင္ရွိေသာ ဒါးဒဏ္ရာမွလႊဲ၍ အျခားေသာ ေနရာမ်ားတြင္ ဒဏ္ရာမ်ားတစ္စုံတစ္ရာ မေတြ႕ရွိရေၾကာင္း ရဲမွဴးႀကီးက ဆုိသည္။ ဆရာေတာ္၏ ညီျဖစ္သူ ေမာင္ထြန္းစိန္မွာလည္း လြန္ခ့ဲသည့္ ၅ ႏွစ္ေက်ာ္ခန္႔က ရဟန္းဝတ္၍ေနခ့ဲရာမွ စိတ္ေဖာက္ျပန္ကာ မိမိ၏ ဦးေခါင္းအား သစ္သားတုတ္ျဖင့္ ထု႐ိုက္ခ့ဲၿပီး ေသဆုံးသြားခ့ဲေၾကာင္း မိသားစုထံမွ သိရသည္။
ဆရာေတာ္ ပ်ံလြန္ေတာ္မူသြားသည့္ ဓါတ္ပုံႏွင့္ ပတ္သက္ၿပီး ေဖ့စ္ဘုတ္စာမ်က္ႏွာႏွင့္ ဗိုက္ဘာ (Viber)တုိ႔တြင္ လူမ်ိဳးေရးအသြင္လို၊ ဘာသာေရးအသြင္ ေသြးထုိးလႈံ႔ေဆာင္မႈမ်ားသည္ မဟုတ္မမွန္ ေရးသားျဖစ္သာျဖစ္ၿပီး ေရြးေကာက္ပြဲနီးလာျဖစ္၍ ရခုိင္ျပည္နယ္တြင္ မလိုလားအပ္သည့္ ျပႆနာမ်ား မျဖစ္ေပၚေစရန္ ယင္းသို႔ သတင္းျဖန္႔မႈမ်ားကို ရပ္တန္႔ရန္လည္း ရဲမွဴးႀကီးက တုိက္တြန္းလိုက္သည္။
မိမိကုိယ္ကုိ သတ္ေသျခင္း ဟုတ္မဟုတ္ ပုိမုိေသခ်ာေအာင္ ဆရာေတာ္၏ လက္ဖဝါးေသြးႏွင့္ လည္ပင္းကေသြးမ်ားကုိ DNA စစ္ေဆးရန္ ျပည္ေထာင့္အဆင့္သုိ႔ ေပးပုိ႔ထားေၾကာင္း၊ တစ္စုံတစ္ဦးက သတ္ျဖတ္သည္ဆုိပါက ျပစ္မႈဆုိင္ဥပေဒ ပုဒ္မ ၃၀၂ ၊ ေသမႈေသခင္း အမွတ္စဥ္ ၂၂/၂၀၁၅ ျဖင့္ တရားစြဲဆုိသြားမည္ျဖစ္ဟုလည္း ရဲမွဴးႀကီး ေနမ်ိဳးက ေျပာၾကားသည္။
MIZZIMA
http://mizzimaburmese.com/article/5166
စစ်တွေ၊ စက်တင်ဘာ ၂၄။ ။ ရခိုင်ပြည်နယ်၊ မြောက်ဦးမြို့ ဝသဲရပ်ကွက်ရှိ တက္ကသီလဘုန်းကြီးကျောင်းမှ ကျောင်းထိုင်ဆရာတော်မှာ မိမိကိုယ် မိမိ သေကြောင်းကြံကာ လည်လှီးသတ်ဖြတ်ခြင်းဖြစ်ကြောင်း ရခိုင်ပြည်နယ် ရဲမှူးကြီး နေမျိုးက စက်တင်ဘာ ၂၃ရက်က အစိုးရအဖွဲ့ရုံးတွင် ပြုလုပ်သည့် သတင်းစာရှင်းလင်းပွဲတွင် ပြောကြားလိုက်သည်။
ဆရာတော်မှာ ပျံလွန်တော်မမူမီ ရက်ပိုင်းအတွင်း လွန်ခဲ့သည့် ၁၀ နှစ်ခန့်က စိတ်ရောဂါဝေဒနာ ဖြစ်ပေါ်လာကြောင်း ရဲမှူးကြီး နေမျိုးက DMG သို့ ပြောကြားသည်။
"ဆရာတော်ဟာ တစ်ပါးတည်း သီးသန့်နေတယ်။ ဇိနမာန်အောင် ဆရာတော်က အဲဒီဆရာတော်ဟာ စိတ်ဝေဒနာကို ခံစားနေရတယ်လို့ မှတ်ချက်ပြုပါတယ်။ ဘေးနားမှာလည်း အိမ်တွေ၊ လူတွေရှိပါတယ်။ တစ်စုံတစ်ဦးလုပ်တယ်ဆိုရင်တောင် အသံတွေကို ကြားလိုက်ရပါမယ်။ ပြီးတော့ ဆရာတော်ရဲ့ ဘေးမှာလည်း ပစ္စည်းပစ္စယတွေဟာ အလေအလွင့်ကို မတွေ့ရဘူး။ တကယ်လို့ တစ်စုံတစ်ယောက်က သတ်ဖြတ်မှု လုပ်တယ်လို့ ဆိုလို့ရှိရင် ဒီအိမ်ထဲမှာ ဘရုတ်သုခ္ခတွေ ရှိနေရမှာပေါ့။ အခုတော့ ပစ္စည်းတွေက သူ့နေရာနဲ့သူ ဖြစ်နေတယ်။ ဆိုတော့ ဒီအနေအထားသည် ဘယ်သူ့ပရောဂမှ မပါဘဲနဲ့ တစ်စုံတစ်ယောက်ကမှလည်း မလုပ်ဘဲနဲ့ သူ့ကိုယ်သူ လည်လှီးဖြတ်ပြီးတော့မှ သေကြောင်းကြံတယ်လို့ အတည်ပြုပါတယ်"ဟု ရဲမှူးကြီးက ရှင်းပြသည်။
ဆရာတော်မှာ မြောက်ဦးဒေသခံဖြစ်ပြီး၊ ဘွဲ့နာမည်မှာ ဦးခန္ဓီစာရဖြစ်ကြောင်း၊ သာသနာ့ဘောင်ဝင်သည်မှာ ၁၄ဝါ ရှိပြီဖြစ်ပြီး မည်သူတစ်ဦးယောက်နှင့်မျှ ရန်ငြိုးရန်စ မရှိခဲ့ဟု သိရသည်။ ဆရာတော် ပျံလွန်တော်မူသည့်နေ့တွင် သက်တော် ၆၇ နှစ်ရှိကြောင်း သိရသည်။
ဆရာတော်၏ ခန္ဓာကိုယ်အား စစ်ဆေးရာတွင်လည်း လည်ပင်းတွင်ရှိသော ဒါးဒဏ်ရာမှလွှဲ၍ အခြားသော နေရာများတွင် ဒဏ်ရာများတစ်စုံတစ်ရာ မတွေ့ရှိရကြောင်း ရဲမှူးကြီးက ဆိုသည်။ ဆရာတော်၏ ညီဖြစ်သူ မောင်ထွန်းစိန်မှာလည်း လွန်ခဲ့သည့် ၅ နှစ်ကျော်ခန့်က ရဟန်းဝတ်၍နေခဲ့ရာမှ စိတ်ဖောက်ပြန်ကာ မိမိ၏ ဦးခေါင်းအား သစ်သားတုတ်ဖြင့် ထုရိုက်ခဲ့ပြီး သေဆုံးသွားခဲ့ကြောင်း မိသားစုထံမှ သိရသည်။
ဆရာတော် ပျံလွန်တော်မူသွားသည့် ဓါတ်ပုံနှင့် ပတ်သက်ပြီး ဖေ့စ်ဘုတ်စာမျက်နှာနှင့် ဗိုက်ဘာ (Viber)တို့တွင် လူမျိုးရေးအသွင်လို၊ ဘာသာရေးအသွင် သွေးထိုးလှုံ့ဆောင်မှုများသည် မဟုတ်မမှန် ရေးသားဖြစ်သာဖြစ်ပြီး ရွေးကောက်ပွဲနီးလာဖြစ်၍ ရခိုင်ပြည်နယ်တွင် မလိုလားအပ်သည့် ပြဿနာများ မဖြစ်ပေါ်စေရန် ယင်းသို့ သတင်းဖြန့်မှုများကို ရပ်တန့်ရန်လည်း ရဲမှူးကြီးက တိုက်တွန်းလိုက်သည်။
မိမိကိုယ်ကို သတ်သေခြင်း ဟုတ်မဟုတ် ပိုမိုသေချာအောင် ဆရာတော်၏ လက်ဖဝါးသွေးနှင့် လည်ပင်းကသွေးများကို DNA စစ်ဆေးရန် ပြည်ထောင့်အဆင့်သို့ ပေးပို့ထားကြောင်း၊ တစ်စုံတစ်ဦးက သတ်ဖြတ်သည်ဆိုပါက ပြစ်မှုဆိုင်ဥပဒေ ပုဒ်မ ၃၀၂ ၊ သေမှုသေခင်း အမှတ်စဉ် ၂၂/၂၀၁၅ ဖြင့် တရားစွဲဆိုသွားမည်ဖြစ်ဟုလည်း ရဲမှူးကြီး နေမျိုးက ပြောကြားသည်။