ၿပီးခဲ့သည့္ ဇူလိုင္လက သြားေရာက္ခဲ့ေသာ တရုတ္ျပည္သူ႔သမၼတႏိုင္ငံ ခရီးစဥ္အတြင္း တရုတ္အစိုးရအရာရွိမ်ားက ၎အား ျငင္းဆန္မရသည့္ ကမ္းလွမ္းမႈမ်ဳိးျဖင့္ ကမ္းလွမ္းခဲ့ေၾကာင္း ရခိုင္အမ်ဳိးသားပါတီ (ANP) ၏ ဥကၠ႒ ေဒါက္တာေအးေမာင္က ေျပာသည္။
''ႀကိဳက္တာေျပာ ကြ်န္ေတာ္တို႔ ေဆာင္ရြက္ေပးပါမယ္''ဟု တရုတ္အစိုးရအရာရိွမ်ားဘက္မွ ကမ္းလွမ္းခ်က္ကို ေဒါက္တာေအးေမာင္က ရည္ညႊန္းေျပာဆိုသည္။
ANP သည္ အင္အားႀကီးတိုင္းရင္းသားပါတီႀကီးတခုျဖစ္ၿပီး ရခိုင္ျပည္နယ္တြင္ အင္အားအႀကီးမားဆံုးေသာပါတီ ျဖစ္သည္။ တရုတ္အစိုးရ၏ အထက္ပါကမ္းလွမ္းခ်က္သည္ တရုတ္အစိုးရက ၎တို႔အတြက္ မဟာဗ်ဴဟာေျမာက္အေရးပါေသာ ရခိုင္ျပည္နယ္ကို မည္သို႔သေဘာထားသည္ကို မီးေမာင္းထိုးျပလိုက္ျခင္းပင္ ျဖစ္သည္။ ရခိုင္ျပည္နယ္တြင္းရိွ တရုတ္၏ ရင္းနီွးျမွဳပ္ႏံွမႈနွစ္ခုျဖစ္ေသာ ေရနံႏွင့္ သဘာ၀ဓာတ္ေငြ႕ပိုက္လိုင္းႏွင့္ ေရနက္ဆိပ္ကမ္းစီမံကိန္းတို႔ကိုလည္း ေရြးေကာက္ပဲြမတိုင္မီ ၾကိဳတင္၍ ကာကြယ္လိုေသာ သေဘာလည္း ျဖစ္သည္။
တရုတ္အစိုးရက အတိုက္အခံပါတီတခုႏွင့္ ထိုသို႔ဆက္ဆံျခင္းသည္ ၎၏ ရင္းနီွးျမွဳပ္ႏံွမႈမ်ားကို ကာကြယ္ရန္အတြက္ ၾကား၀င္မစြက္ဖက္ေရးေပၚလစီကို ေျပာင္းလဲလိုက္ျခင္းပင္ ျဖစ္သည္။
''ကြ်န္ေတာ္တို႔က တရုတ္မကလို႔ အေမရိကန္၊ စင္ကာပူပဲျဖစ္ျဖစ္ အိႏၵိယ အစိုးရက ကမ္းလွမ္းတယ္ဆိုရင္လည္း ၾကိဳဆိုမွာပါပဲ။ ကြ်န္ေတာ္တို႔ ေဒသဖံြ႕ၿဖိဳးဖို႔ ရင္းႏီွးျမွဳပ္ႏံွမႈေတြ အမ်ားႀကီး လိုအပ္ပါတယ္''ဟု ေဒါက္တာ ေအးေမာင္က ရိုက္တာသတင္းဌာနသို႔ ေျပာသည္။
နို၀င္ဘာေရြးေကာက္ပဲြတြင္ ရခိုင္ျပည္နယ္၌ ANP ပါတီ ျပတ္ျပတ္သားသားအႏိုင္ရရိွမည္ဟု ခန္႔မွန္းခ်က္မ်ားရိွေနၿပီး ေဒါက္တာေအးေမာင္သည္လည္း အေရးပါေသာ ျပည္နယ္၀န္ၾကီးခ်ဳပ္ရာထူး ရရိွမည္ဆိုေသာ ထင္ေၾကးေပးမႈမ်ား ရိွေနသည္။ ယင္းေၾကာင့္ ရခိုင္ျပည္နယ္ရိွ ၎တို႔၏အက်ဳိးစီးပြားအတြက္ ေဒါက္တာေအးေမာင္သည္ တရုတ္အစိုးရအတြက္ အေရးပါေသာ ပုဂၢိဳလ္တဦးျဖစ္လာသည္။
အထူးသျဖင့္ ေက်ာက္ျဖဴၿမိဳ႕သည္ တရုတ္အတြက္ သဘာ၀ရင္းျမစ္ႏွင့္ ကုန္သြယ္ေရးလမ္းေၾကာင္းတြင္ အဓိကက်ေသာ ၿမိဳ႕ျဖစ္သည္။ တရုတ္အစိုးရအေနႏွင့္ အေမရိကန္ေရတပ္စခန္းမ်ားရိွရာ မလကၠာ ေရလက္ၾကားကို ေရွာင္ရွား၍ အေရွ႕အလယ္ပိုင္းမွေရနံကို ေက်ာက္ျဖဴ- ယူနန္ ေရနံသဘာ၀ဓာတ္ေငြ႕ပိုက္လိုင္းမွတဆင့္ တရုတ္ျပည္သို႔ ျမန္မာျပည္ကို ျဖတ္၍ တိုက္ရိုက္တင္ပို႔လ်က္ရိွသည္။
ေဒါက္တာေအးေမာင္သည္ တရုတ္ကြန္ျမဴနစ္ပါတီ၏ ဖိတ္ၾကားခ်က္အရ ဖူက်န္းႏွင့္ ဂီြဂ်ဴးျပည္နယ္မ်ားသို႔ ဇူလိုင္လက အလည္အပတ္ သြားေရာက္ခဲ့ျခင္း ျဖစ္သည္။ တရုတ္အစိုးရသည္ ျပည္ခိုင္ၿဖိဳးပါတီမွ သမၼတ ဦးသိန္းစိန္၊ NLD မွ ေဒၚေအာင္ဆန္းစုၾကည္တို႔ႏွင့္သာ ေတြ႕ဆံုဖိတ္ၾကားျခင္းမ်ားရိွခဲ့ၿပီး တိုင္းရင္းသားပါတီမ်ား အနက္ ANP ကိုသာ ဖိတ္ၾကားခဲ့ျခင္းျဖစ္ၾကာင္း တရုတ္ကြန္ျမဴနစ္ပါတီႏိုင္ငံျခားေရးဌာနမွ အရာရိွတဦးက ေျပာသည္ဟု ေဒါက္တာေအးေမာင္က ေျပာသည္။
ယင္းႏွင့္ပတ္သက္၍ ''ANP နဲ႔ ဆက္ဆံေရးေကာင္းမြန္ေအာင္ ႀကိဳးစားလာတာ သူတို႔ရဲ႕ေပၚလစီ အေျပာင္းအလဲလို႔ ကြ်န္ေတာ္ထင္တယ္''ဟု သမၼတရံုး ညႊန္ၾကားေရးမွဴး ဦးေဇာ္ေဌးက ေျပာသည္။
Ref; Reuters
News Watch(ေစာင့္ၾကည့္သတင္းဂ်ာနယ္)
https://www.facebook.com/NewsWatchJournal
..............................................
ပြီးခဲ့သည့် ဇူလိုင်လက သွားရောက်ခဲ့သော တရုတ်ပြည်သူ့သမ္မတနိုင်ငံ ခရီးစဉ်အတွင်း တရုတ်အစိုးရအရာရှိများက ၎င်းအား ငြင်းဆန်မရသည့် ကမ်းလှမ်းမှုမျိုးဖြင့် ကမ်းလှမ်းခဲ့ကြောင်း ရခိုင်အမျိုးသားပါတီ (ANP) ၏ ဥက္ကဋ္ဌ ဒေါက်တာအေးမောင်က ပြောသည်။
''ကြိုက်တာပြော ကျွန်တော်တို့ ဆောင်ရွက်ပေးပါမယ်''ဟု တရုတ်အစိုးရအရာရှိများဘက်မှ ကမ်းလှမ်းချက်ကို ဒေါက်တာအေးမောင်က ရည်ညွှန်းပြောဆိုသည်။
ANP သည် အင်အားကြီးတိုင်းရင်းသားပါတီကြီးတခုဖြစ်ပြီး ရခိုင်ပြည်နယ်တွင် အင်အားအကြီးမားဆုံးသောပါတီ ဖြစ်သည်။ တရုတ်အစိုးရ၏ အထက်ပါကမ်းလှမ်းချက်သည် တရုတ်အစိုးရက ၎င်းတို့အတွက် မဟာဗျူဟာမြောက်အရေးပါသော ရခိုင်ပြည်နယ်ကို မည်သို့သဘောထားသည်ကို မီးမောင်းထိုးပြလိုက်ခြင်းပင် ဖြစ်သည်။ ရခိုင်ပြည်နယ်တွင်းရှိ တရုတ်၏ ရင်းနှီးမြှုပ်နှံမှုနှစ်ခုဖြစ်သော ရေနံနှင့် သဘာဝဓာတ်ငွေ့ပိုက်လိုင်းနှင့် ရေနက်ဆိပ်ကမ်းစီမံကိန်းတို့ကိုလည်း ရွေးကောက်ပွဲမတိုင်မီ ကြိုတင်၍ ကာကွယ်လိုသော သဘောလည်း ဖြစ်သည်။
တရုတ်အစိုးရက အတိုက်အခံပါတီတခုနှင့် ထိုသို့ဆက်ဆံခြင်းသည် ၎င်း၏ ရင်းနှီးမြှုပ်နှံမှုများကို ကာကွယ်ရန်အတွက် ကြားဝင်မစွက်ဖက်ရေးပေါ်လစီကို ပြောင်းလဲလိုက်ခြင်းပင် ဖြစ်သည်။
''ကျွန်တော်တို့က တရုတ်မကလို့ အမေရိကန်၊ စင်ကာပူပဲဖြစ်ဖြစ် အိန္ဒိယ အစိုးရက ကမ်းလှမ်းတယ်ဆိုရင်လည်း ကြိုဆိုမှာပါပဲ။ ကျွန်တော်တို့ ဒေသဖွံ့ဖြိုးဖို့ ရင်းနှီးမြှုပ်နှံမှုတွေ အများကြီး လိုအပ်ပါတယ်''ဟု ဒေါက်တာ အေးမောင်က ရိုက်တာသတင်းဌာနသို့ ပြောသည်။
နိုဝင်ဘာရွေးကောက်ပွဲတွင် ရခိုင်ပြည်နယ်၌ ANP ပါတီ ပြတ်ပြတ်သားသားအနိုင်ရရှိမည်ဟု ခန့်မှန်းချက်များရှိနေပြီး ဒေါက်တာအေးမောင်သည်လည်း အရေးပါသော ပြည်နယ်ဝန်ကြီးချုပ်ရာထူး ရရှိမည်ဆိုသော ထင်ကြေးပေးမှုများ ရှိနေသည်။ ယင်းကြောင့် ရခိုင်ပြည်နယ်ရှိ ၎င်းတို့၏အကျိုးစီးပွားအတွက် ဒေါက်တာအေးမောင်သည် တရုတ်အစိုးရအတွက် အရေးပါသော ပုဂ္ဂိုလ်တဦးဖြစ်လာသည်။
အထူးသဖြင့် ကျောက်ဖြူမြို့သည် တရုတ်အတွက် သဘာဝရင်းမြစ်နှင့် ကုန်သွယ်ရေးလမ်းကြောင်းတွင် အဓိကကျသော မြို့ဖြစ်သည်။ တရုတ်အစိုးရအနေနှင့် အမေရိကန်ရေတပ်စခန်းများရှိရာ မလက္ကာ ရေလက်ကြားကို ရှောင်ရှား၍ အရှေ့အလယ်ပိုင်းမှရေနံကို ကျောက်ဖြူ- ယူနန် ရေနံသဘာဝဓာတ်ငွေ့ပိုက်လိုင်းမှတဆင့် တရုတ်ပြည်သို့ မြန်မာပြည်ကို ဖြတ်၍ တိုက်ရိုက်တင်ပို့လျက်ရှိသည်။
ဒေါက်တာအေးမောင်သည် တရုတ်ကွန်မြူနစ်ပါတီ၏ ဖိတ်ကြားချက်အရ ဖူကျန်းနှင့် ဂွီဂျူးပြည်နယ်များသို့ ဇူလိုင်လက အလည်အပတ် သွားရောက်ခဲ့ခြင်း ဖြစ်သည်။ တရုတ်အစိုးရသည် ပြည်ခိုင်ဖြိုးပါတီမှ သမ္မတ ဦးသိန်းစိန်၊ NLD မှ ဒေါ်အောင်ဆန်းစုကြည်တို့နှင့်သာ တွေ့ဆုံဖိတ်ကြားခြင်းများရှိခဲ့ပြီး တိုင်းရင်းသားပါတီများ အနက် ANP ကိုသာ ဖိတ်ကြားခဲ့ခြင်းဖြစ်ကြာင်း တရုတ်ကွန်မြူနစ်ပါတီနိုင်ငံခြားရေးဌာနမှ အရာရှိတဦးက ပြောသည်ဟု ဒေါက်တာအေးမောင်က ပြောသည်။
ယင်းနှင့်ပတ်သက်၍ ''ANP နဲ့ ဆက်ဆံရေးကောင်းမွန်အောင် ကြိုးစားလာတာ သူတို့ရဲ့ပေါ်လစီ အပြောင်းအလဲလို့ ကျွန်တော်ထင်တယ်''ဟု သမ္မတရုံး ညွှန်ကြားရေးမှူး ဦးဇော်ဌေးက ပြောသည်။
Ref; Reuters
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal
..............................................