ဝါရှင်တန် နှင့် အော်ရီဂွန် ပြည်နယ်များရှိ စားသောက်ဆိုင်များတွင် အီလိုလီရောဂါပိုး ကူးစက်မှု ဖြစ်ပွားခဲ့ပြီးနောက် စားသောက်ဆိုင် ၄၃ ဆိုင်ကို ပိတ်ပစ်ခဲ့

ပေါ့တ်လန် ၊ ၂-၁၁-၂၀၁၅

အမေရိကန် ပြည်ထောင်စု ဝါရှင်တန်နှင့် အော်ရီဂွန် ပြည်နယ်များ အတွင်းရှိ စားသောက်ဆိုင်ခွဲ များတွင် စားသောက်ခဲ့ သူများမှာ အီကိုလီ ရောဂါပိုး ကူးစက်ခံရပြီး နောက် အဆိုပါ စားသောက်ဆိုင် ၄၃ ဆိုင်ကို အာဏာပိုင် များက အောက်တိုဘာ ၃၁ ရက်က ပိတ်ပစ်ခဲ့ကြောင်း သိရသည်။

ကျန်းမာရေး အာဏာပိုင် များသည် အီကိုလီ ရောဂါပိုး ကူးစက်သူ ၂၂ ဦးကို စစ်ဆေးခဲ့ရာမှ ၄င်းတို့သည် ဝါရှင်တန်နှင့် အော်ရီဂွန် ပြည်နယ်များ အတွင်း ဖွင့်လှစ် ထားသည့် မက္ကဆီကို စားသောက် ဆိုင်ကြီးဖြစ်သော ချီပိုတယ် စားသောက်ဆိုင် ဆိုင်ခွဲများမှ အစားအသောက် များကို စားသောက်ခဲ့ခြင်း ဖြစ်ကြောင်း ဖော်ထုတ် နိုင်ခဲ့ခြင်း ဖြစ်သည်။

အဆိုပါ ရောဂါပိုး ကူးစက်မှုသည် အောက်တိုဘာ ၁၄ ရက်မှ စတင်ဖြစ်ပွား ခဲ့ခြင်းဖြစ်ပြီး ရောဂါပိုး ကူးစက်သူများ အနက်မှ အချို့ကို ဆေးကုသမှု ခံယူရန် ဆေးရုံသို့ ပို့ဆောင်ပေး ခဲ့သည်။ သို့သော် အဆိုပါ ရောဂါကူးစက် ပျံ့နှံ့မှုကြောင့် လူသေဆုံးမှု ဖြစ်ပွားခဲ့ခြင်း မရှိကြောင်း အာဏာပိုင် များက ထုတ်ပြန် ထားသည်။

ယင်း ရောဂါပိုး ကူးစက်မှုသည် မည်သည့် အကြောင်းရင်း ကြောင့် စတင်ဖြစ်ပွား ခဲ့သည်ကို အဆိုပါ စားသောက်ဆိုင် ကြီးက ကျန်းမာရေး အာဏာပိုင် များနှင့်အတူ စုံစမ်း စစ်ဆေးလျက် ရှိကြောင်း သိရသည်။

#PyiChitThar

........................................................