ကွန်ဂရက်၏ ခွင့်ပြုချက်မရဘဲ ဂွါတာနာမိုအကျဉ်း စခန်းကို ပိတ်ပစ်မည်ဆိုပါက တရားစွဲဆိုမှုနှင့် ရင်ဆိုင်ရမည်ဟု သမ္မတ အိုဘားမားကို မက္ကိန်း ပြောကြား

ဝါရှင်တန် ၊ ၁၃-၁၁-၂၀၁၅

အမေရိကန် သမ္မတ ဘားရက် အိုဘားမား အနေဖြင့် ကျူးဘားနိုင်ငံ ရှိ ဂွါတာနာမို အကျဉ်းစခန်းကို ကွန်ဂရက်၏ ခွင့်ပြုချက် မရရှိဘဲ ပိတ်ပစ်မည် ဆိုပါက တရားစွဲဆိုမှု နှင့် ရင်ဆိုင်ရမည် ဖြစ်ကြောင်း ရီပတ်ဘလီကန် အမတ်တစ်ဦး က ခြိမ်းခြောက် လိုက်ကြောင်း သိရသည်။

ကျူးဘားနိုင်ငံ အတွင်းရှိ အမေရိကန်ပိုင် အကျဉ်းစခန်းကို သမ္မတ က ၄င်း၏ အာဏာကို အသုံးပြု၍ ပိတ်ပစ်ခြင်းသည် ဖွဲ့စည်းပုံ အခြေခံ ဥပဒေနှင့် ကိုက်ညီမှု မရှိဟု မိမိအနေဖြင့် ထင်မြင်ယူဆ မိကြောင်း ထို့ကြောင့် သမ္မတ အိုဘားမား အနေဖြင့် ယင်း အကျဉ်းစခန်းကို ပိတ်ပစ်မည် ဆိုပါက တရားဥပဒေ အတိုင်း လုပ်ဆောင်ရမည် ဖြစ်ကြောင်း အရီဇိုးနား ပြည်နယ်မှ ရီပတ်ဘလီကန် လွှတ်တော် အမတ် နှင့် အထက်လွှတ်တော် လက်နက်ကိုင် တပ်ဖွဲ့များ ဆိုင်ရာ ကော်မတီ ဥက္ကဋ္ဌ ဂျွန်မက္ကိန်း (ပုံ)က ပြောကြား ခဲ့ခြင်းဖြစ်သည်။

သို့သော် သမ္မတ အိုဘားမား အစိုးရသည် အဆိုပါ အကျဉ်းစခန်းကို ပိတ်ပစ်နိုင်ရေး အတွက် အသေးစိတ် အချက်အလက် များ ပါဝင်သည့် အစီရင်ခံစာ တစ်စောင်ကို ထုတ်ပြန်ရန် စီစဉ်လျက် ရှိကြောင်း၊ သမ္မတ အိုဘားမား အနေဖြင့် ယင်း အကျဉ်းထောင်ကို ပိတ်ပစ်ရန် လိုအပ်ပါက ၄င်း၏ သမ္မတအမိန့်ကို အသုံးပြုသွားမည် ဖြစ်ကြောင်း အိမ်ဖြူတော် မှ ပြောရေးဆိုခွင့် ရှိသူ ဂျော့ရ်ှအန်းနက်စ် က ပြီးခဲ့သည့် ရက်သတ္တပတ် အတွင်းက ပြောကြား ခဲ့သည်။

သို့သော် ကွန်ဂရက် လွှတ်တော်က ယခု ရက်သတ္တပတ် အတွင်း ပြဋ္ဌာန်းခဲ့သည့် ကာကွယ်ရေး မူဝါဒဆိုင်ရာ မူကြမ်းတွင် ဂွါတာနာမို အကျဉ်းစခန်းကို ပိတ်ပစ်ခြင်းနှင့် ယင်း အကျဉ်းစခန်းမှ အကျဉ်းသား များကို လွှဲပြောင်းပေးခြင်း များကို တားမြစ် ထားကြောင်း သိရသည်။

#PyiChitThar

................................