မြန်မာနိုင်ငံ လွတ်လပ်ရေး ရရှိစဉ် ကတည်းက ကျင့်သုံးခဲ့သော နိုင်ငံခြားရေး မူဝါဒအတိုင်း ဆက်လက် ကျင့်သုံးသွား မည်ဟု ဒေါ်အောင်ဆ...
Posted by The Melting Pot 4 U on Tuesday, 17 November 2015
မြန်မာနိုင်ငံ လွတ်လပ်ရေး ရရှိစဉ် ကတည်းက ကျင့်သုံးခဲ့သော နိုင်ငံခြားရေး မူဝါဒအတိုင်း ဆက်လက် ကျင့်သုံးသွား မည်ဟု ဒေါ်အောင်ဆန်းစုကြည်က ဆင်ဟွာသတင်းဌာနနှင့် သီးသန့် အင်တာဗျူးတွင် ပြောကြား
နေပြည်တော် ၊ နိုဝင်ဘာ ၁၇ ရက်(ဆင်ဟွာ)
မြန်မာနိုင်ငံ လွတ်လပ်ရေး ရရှိခဲ့စဉ် ကတည်းက ကျင့်သုံးခဲ့သည့် နိုင်ငံခြားရေး မူဝါဒသည် နိုင်ငံအတွက် အင်မတန် သင့်တော်သည်ဟု ထင်မြင်ပြီး ယင်းမူဝါဒကို အောင်အောင်မြင်မြင် ဆက်လက်ပြီး ကျင့်သုံးသွားနိုင်မည်ဟု ယုံကြည်ကြောင်း အမျိုးသား ဒီမိုကရေစီ အဖွဲ့ ချုပ်(NLD)ဥက္ကဌ ဒေါ်အောင်ဆန်းစုကြည်က ယနေ့ နေပြည်တော်၌ ဆင်ဟွာ သတင်းဌာနနှင့် သီးသန့်အင်တာဗျူးတွင် ပြောကြားခဲ့သည်။
မြန်မာနိုင်ငံ လွတ်လပ်ရေး ရရှိခဲ့စဉ် ကတည်းက ကျင့်သုံးခဲ့သည့် နိုင်ငံခြားရေး မူဝါဒသည် နိုင်ငံအတွက် အင်မတန် သင့်တော်သည်ဟု ထင်မြင်ပြီး ယင်းမူဝါဒကို အောင်အောင်မြင်မြင် ဆက်လက်ပြီး ကျင့်သုံးသွားနိုင်မည်ဟု ယုံကြည်ကြောင်း အမျိုးသား ဒီမိုကရေစီ အဖွဲ့ ချုပ်(NLD)ဥက္ကဌ ဒေါ်အောင်ဆန်းစုကြည်က ယနေ့ နေပြည်တော်၌ ဆင်ဟွာ သတင်းဌာနနှင့် သီးသန့်အင်တာဗျူးတွင် ပြောကြားခဲ့သည်။
“ကျွန်မတို့ ကတော့ မြန်မာနိုင်ငံ လွတ်လပ်ရေး ရစဉ်ကတည်းက သုံးခဲ့တဲ့ နိုင်ငံခြားရေး မူဝါဒက မှန်ကန်တယ်လို့ ပဲ သဘောထားပါတယ်။ အဲဒီ မူဝါဒအရ ကျွန်မတို့ အိမ်နီးချင်းတွေနဲ့ လည်း ရင်းရင်းနှီးနှီး ခင်ခင်မင်မင် ကောင်းကောင်းမွန်မွန် ဆက်ဆံတယ်။ အဝေးက မိတ်ဆွေတွေနဲ့လည်း ရင်းရင်းနှီးနှီး ခင်ခင်မင်မင် ဆက်ဆံတယ်။ ဘယ်သူ့ကိုမှ ရန်သူလို မထားဘူး။ အားလုံးကို မိတ်ဆွေလို ထားတယ်။ ဒီလိုကြောင့် မြန်မာနိုင်ငံဟာ အဲဒီအချိန်တုန်းက ကမ္ဘာမှာ ရှိတဲ့ နိုင်ငံ အတော်များများရဲ့ စေတနာကို ရရှိခဲ့တယ်” ဟု ဒေါ်အောင်ဆန်းစုကြည်က ပြောကြားခဲ့သည်။
တရုတ်ပြည်သူ့ သမ္မတနိုင်ငံအပေါ် ထားရှိသည့် အမျိုးသားဒီမိုကရေစီ အဖွဲ့ ချုပ်(NLD)၏ မူဝါဒနှင့် ပတ်သက်၍ “တရုတ်ပြည်ဆိုတာ ကျွန်မတိုရဲ့့အိမ်နီးချင်း နိုင်ငံ တစ်ခု ဖြစ်တယ်ဆိုတာ အားလုံးက သိပြီးသားပါပဲ။ အိမ်နီးချင်း နိုင်ငံများရဲ့ ဆက်ဆံရေး ဆိုတာဟာ အဝေးနိုင်ငံများရဲ့ဆက်ဆံရေးထက် အများကြီး ပိုပြီး သိမ်မွေ့ပါတယ်။ သိမ်မွေ့တဲ့အလျောက် ကျွန်မတို့ ဟာ ဒီဆက်ဆံရေးကို သိပ်ပြီးတော့ အလေးထားပြီးတော့ ကောင်းကောင်းမွန်မွန် ၊ ထိထိရောက်ရောက် ၊ တိတိကျကျ ဆက်ဆံသွားမှာပါ။ မိတ်ဖြစ်ဆွေဖြစ်ဆိုတာ ဟိုဖက်ဒီဖက် နှစ်ဘက်စလုံးက လိုလားလို့ ရှိရင် မဖြစ်နိုင်စရာ အကြောင်း မရှိပါဘူး” ဟု ဒေါ်အောင်ဆန်းစုကြည်က ပြောကြားခဲ့သည်။
ထို့ပြင် နိုင်ငံခြား ရင်းနှီးမြှုပ်နှံမှုများနှင့် ပတ်သက်၍လည်း မြန်မာနိုင်ငံအနေဖြင့် တည်ငြိမ်မှု ရရှိနိုင်ပြီး မှန်ကန်စွာဖြင့် ပြည်သူလူထု ဆန္ဒကို အကောင်အထည်ဖော်သည့် စနစ်အရ နိုင်ငံကို တိုးတက်အောင် လုပ်မည် ဆိုသည်ကို ပွင့်လင်းမြင်သာစွာဖြင့် ထင်ထင်သာသာ ပြနိုင်ပါက နိုင်ငံတကာမှလည်း ယုံကြည်မှု ရှိလာပြီး ရင်းနှီးမြှုပ်နှံမှုများ တိုးတက်လာမည်ဖြစ်ကြောင်း ထည့်သွင်း ပြောကြားခဲ့သည်။
မြန်မာနိုင်ငံတွင် ထိရောက် အောင်မြင်စွာ ရင်းနှီးမြှုပ်နှံမှု လုပ်ရန် မည်သည့် နိုင်ငံဖြစ်စေ အလိုအပ်ဆုံး ကိစ္စမှာ ပြည်သူများ၏ ယုံကြည်မှုကို ရယူရန် ဖြစ်ပြီး ပြည်သူများက ယင်းနိုင်ငံများနှင့် စီးပွားရေးအရ ဆက်ဆံရေးသည် မိမိတို့ နိုင်ငံကို အကျိုးပြုပါလား ဆိုသည်ကို သဘောပေါက်သွားပါက သဘောပေါက်သည့်အလျောက် တိုးတက်ပြီး ဆက်ဆံရေးများ ပိုမိုနွေးထွေးလာမည်ဖြစ်ကြောင်း ဒေါ်အောင်ဆန်းစုကြည်က ပြောကြားခဲ့သည်။