ရုပ္ရွင္မင္းသား အျဖစ္ မရပ္တည္ခင္က စိတ္ဖိစီးမႈေတြခံစားခဲ့ရတယ္ ဆိုတဲ့ Dwayne Johnson

ရုပ်ရှင်မင်းသား အဖြစ် မရပ်တည်ခင်က စိတ်ဖိစီးမှုတွေခံစားခဲ့ရတယ် ဆိုတဲ့ Dwayne Johnson

နပန်း သမားဟောင်းတစ်ယောက်ဖြစ်တဲ့ ရုပ်ရှင်မင်းသား Dwayne Johnson ဟာ စိတ်ဖိစီးမှုတွေ ကို ခံစားခဲ့ရတဲ့အကြောင်းတွေကို ဖွင့်ဟ ပြောကြားလာပါတယ်။

မကြာသေးမီကပဲ San Andreas ဇာတ်လမ်း နဲ့ အောင်မြင်မှု ရထားတဲ့ Dwayne Johnson ဟာ Oprah's Master Class ဆိုတဲ့အစီအစဉ်မှာ သူ့ရဲ့ စိတ်ဖိစီးမှုတွေနဲ့ ကြုံတွေ့ခဲ့ရတဲ့အကြောင်းတွေကို ဖွင့်ဟပြောပြခဲ့ပြီး သူ့အနေနဲ့ အခုလို နပန်းသမား တစ်ယောက်ဘဝကနေ ရုပ်ရှင်မင်းသားတစ်ယောက်အဖြစ် ဘဝ ရပ်တည်မှု ပြောင်းလဲခဲ့ရခြင်းနဲ့ ပတ်သက်ပြီး တော့လည်း ပြောပြခဲ့ပါတယ်။

"ကျွန်တော်ဟာ စိတ်ဖိစီးမှု တွေခံစားနေရတဲ့အချိန်မှာ တစ်ယောက်ယောက်က ကျွန်တော့်ကို အဲဒီ စိတ်ဖိစီးမှု တွေထဲကနေ ဆွဲထုတ်ပေးနေဖို့ မျှော်လင့်ခဲ့မိတယ်။ ပြီးတော့ ဟေး အဆင်ပြေသွားမှာပါလို့ ပြောရင်းနဲ့ပေါ့"လို့ Dwayne Johnson က ပြောပြခဲ့ပါတယ်။ သူ့လိုပဲ စိတ်ဖိစီးမှု ကို ကြံုတွေ့နေရသူတွေကိုလည်း Dwayne Johnson က "သူတို့အနေနဲ့ ရှေ့ဆက် ကျော်ဖြတ်ဖို့ ကြိုးစားသင့်ပါတယ်။ ဘာလို့လည်းဆိုတော့ မကြာခင်မှာ အဆိုးပြီးရင် အကောင်းရောက်လာဦးမှာသေချာပါတယ်"လို့လည်း တိုက်တွန်းခဲ့ပြန်ပါတယ်။

Dwayne Johnson ဟာ သူ့ရဲ့ နပန်း အဖွဲ့ရဲ့ နည်းပြဆရာက သူ့ကို နေရာဖယ်ရှားပြီးတဲ့နောက် စိတ်ဖိစီးမှု တွေခံနေရစဉ်မှာ ပြန်လည်ဆက်သွယ်ပြီး နပန်းပြန်လည် ကစားဖို့ ပြောခဲ့တယ်လို့ဆိုပါတယ်။ အဲဒီအချိန်တွေဟာ သု့အတွက် ဆုံးဖြတ်ချက်ချဖို့ အခက်ခဲဆုံးဖြစ်ခဲ့သလို သူ့ရဲ့ ဖခင်ကတော့ နပန်း ပြန်ကစားမှာကို မလိုချင်ခဲ့ပါဘူး။

အဲဒီအတွက်လည်း သူ့အနေနဲ့ ရုပ်ရှင် သရုပ်ဆောင်တစ်ယောက်အဖြစ် ရပ်တည်လာချိန်မှာ တစ်ခဲနက်အားပေးခဲ့တဲ့ ပရိတ်သတ်တွေကိုလည်း ကျေးဇူးတင်တဲ့အကြောင်း ပြောပြခဲ့သလို သူ့ရဲ့ အသက် ၁၄ နှစ်အရွယ် သမီးလေးနဲ့ သူနဲ့ ကြားက သားအဖ သံယောဇဉ် အကြောင်းလည်း ပြောပြခဲ့ပါသေးတယ်။

လက်ရှိမှာတော့ Dwayne Johnson ရဲ့ ချစ်သူဟာ ဒုတိယ မြောက်ရင်သွေးကို လွယ်ထားရပြီး The Rock အနေနဲ့ စစ်မှန်တဲ့ ပျော်ရွှင်မှုတွေကို တွေ့ရှိနေပြီလို့ ဆိုနိုင်မှာ ဖြစ်ပါတယ်။

( Mario )

#သစ်ထူးလွင်(နာမည်ကြီးပုဂ္ဂိုလ်များ)

#celebrity.thithtoolwin.com

Ref : E! Online