ရန်ကုန် ဇူလိုင် ၂၄
ကြည့်မြင်တိုင်မြို့နယ်အတွင်း မိခင်ဖြစ်သူက မိမိ၏သမီးကို တရုတ်နိုင်ငံသားထံ သားမယားအဖြစ် ရောင်းစားမှုကို ဇူလိုင် ၂၂ ရက် ညက တာဝန်သိပြည်သူများက သတင်းပေး တိုင်ကြားရာမှ ကြည့်မြင်တိုင်မြို့မ ရဲစခန်းနှင့် အမှတ် (၆) လူကုန်ကူးမှု တားဆီးနှိမ်နင်းရေးတပ်ဖွဲ့စု (ရန်ကုန်) တို့က ဆက်နွှယ်သူများကို ခေါ်ယူ စစ်ဆေးမှုများ ပြုလုပ်ခဲ့သည်။
စစ်ဆေး ဖော်ထုတ်မှုများအရ တရုတ်နိုင်ငံသား တရုတ်လူမျိုး SHAO- HUASHENG၊ XU- GAOREN၊ JIANG DIAPFANG နှင့် XU-ZHANGYU တို့ လေးဦးမှာ ကြည့်မြင်တိုင်မြို့နယ် မကျည်းတန်း မြောက် အနောက်ရပ်ကွက် ကမ်းနား လမ်းနေ ထွန်းနိုင်(ခ) ကျန်ရီမင်းနှင့် ¤င်း၏ဇနီး မအေးအေးသန်းတို့၏ ဖိတ်ခေါ်ထားမှုကြောင့် တိုက်ခန်းသို့ ရောက်ရှိနေပြီးဖြစ်သည်။
ထွန်းနိုင်(ခ) ကျန်ရီမင်းနှင့် ၄င်း၏ဇနီးတို့က ကြည့်မြင်တိုင်မြို့နယ် အတွင်းနေသူများဖြစ်သည့် မြန်မာ အမျိုးသမီးငယ် မယုယုထွေး(၂ဝနှစ်)၊ မသီရိမေ (၃၄နှစ်)၊ မလွင်မိုးဖြူ (ခ) ဖြူမ (၁၉နှစ်) တို့နှင့် ၎င်းတို့၏ မိဘ အုပ်ထိန်းသူများကို တရုတ်အမျိုးသား များနှင့် လက်ထပ်ယူပါက တစ်ဦးစီ အတွက် ငွေကျပ်သိန်း ၃ဝ အပြင် ငွေကျပ် ၁၅ သိန်းတန်ဖိုးရှိ ရွှေ တစ်ဆင်စာကို တရုတ်တို့က ကြိုတင် ပေးမည်ဖြစ်ကြောင်း စည်းရုံးလာ သဖြင့် ၎င်းမိန်းကလေးသုံးဦးက မိဘတို့၏ သဘောတူညီချက်နှင့်အတူ လက်ခံခဲ့ကြကြောင်း သိရသည်။
ငွေကျပ် ၁၅ သိန်းတန်ဖိုးရှိ ရွှေ ဆွဲကြိုး၊ ရွှေလက်ကောက်၊ ရွှေ နားကပ်များကို တရုတ်တို့ထံမှ ငွေကို ယူ၍ မိဘအုပ်ထိန်းသူများနှင့် ဝယ်ယူ ပေးခဲ့ကြပြီးနောက် မသီရိမေ အား တရုတ်အမျိုးသား JIANG DIAPFANG နှင့် လည်းကောင်း၊ မယုယုထွေးအား တရုတ်အမျိုးသားXU-ZHANGYU နှင့်လည်းကောင်း၊ မလွင်မိုးဖြူအား တရုတ်အမျိုးသား XU-GAOREN နှင့် လည်းကောင်း လက်ထပ်ပေးစားရန် လက်ထပ်စာချုပ် များဖြင့် ကြိုတင်စီစဉ်ထားခြင်း၊ နိုင်ငံကူးလက်မှတ်များ ကြိုတင်ပြုလုပ် ပေးထားခြင်း၊ တရုတ်သံရုံးတွင် ဗီဇာ လျှောက်ထားရန် စီစဉ်မှုများ ပြုလုပ် ခဲ့သည်။
ထို့အပြင် မသီရိမေနှင့် မယုယု ထွေးတို့အား လက်ထပ်ခြင်းမပြုမီ ၎င်းတို့နှင့် ပေးစားမည့်တရုတ်အမျိုးသားများနှင့် Silver Moon Hotel သို့ ပို့ဆောင် ညအိပ်ခိုင်းခြင်းများ ပြုစေခဲ့သည်။
ထို့အပြင် ယခင်တစ်ကြိမ်က လည်း ထွန်းနိုင်(ခ) ကျန်ရီမင်းက ၄င်း၏ ညီမဝမ်းကွဲတော်စပ်သူ တစ်ဦး အား မြန်မာနိုင်ငံ၌ပင် ယခုကဲ့သို့ တရုတ်အမျိုးသားတစ်ဦးနှင့် ပေးစား လက်ထပ်စေခဲ့ပြီး တရုတ်နိုင်ငံသို့ ပို့ဆောင်ပေးခဲ့ကြောင်း ဖော်ထုတ် ရရှိခဲ့သည်ဟု သိရသည်။
အဆိုပါ ဖြစ်စဉ်နှင့်ပတ်သက်၍ အမှတ်(၆) လူကုန်ကူးမှု တားဆီး နှိမ်နင်းရေးတပ်ဖွဲ့စု (ရန်ကုန်) မှ စစ်ဆေးဖော်ထုတ်ချက်အရ တရုတ် အမျိုးသားများဖြစ်သည့် XU-GAOREN(၃ဝနှစ်)နှင့်၊ XU-ZH- ANGYU (၂၉နှစ်)၊ JIANG DIAPFANG(၄၅နှစ်) ၊ ထွန်းနိုင်(ခ) ကျန်ရီမင်းနှင့် ၎င်း၏ဇနီး မအေးအေး သန်းတို့ကို ကြည့်မြင်တိုင်မြို့မရဲစခန်းက လူကုန်ကူးမှု တားဆီးကာကွယ်ရေး ဥပဒေဖြင့် အမှုဖွင့်အရေးယူထား ကြောင်း သိရသည်။
ထို့အပြင် ယင်းဖြစ်စဉ်တွင်ပါဝင်ခဲ့ သောတရုတ်လူမျိုး SHAO-HUASH ENG (၃၆နှစ်)ကို မြန်မာမိန်းကလေး များအား နိုင်ငံသားမဟုတ်သူများနှင့် လက်ထပ်ထိမ်းမြားရန် စီစဉ်မှု၊ တရား ဝင် နည်းလမ်းမဟုတ်သော ငွေရေး ကြေးရေးအပေးအယူဖြင့် ပူးပေါင်း ကြံစည်သူတစ်ဦးအဖြစ် စစ်ဆေး တွေ့ရှိရသည့်အတွက် လူကုန်ကူးမှု တားဆီးကာကွယ်ရေး ဥပဒေပုဒ်မ (၂၄/၃၂ ) အရ တရားစွဲဆိုဆောင်ရွက် နိုင်ရန် ဥက္ကဋ္ဌ ဦးရဲလင်းအောင် ဦးဆောင်သော ကြည့်မြင်တိုင်မြို့နယ် စီမံခန့်ခွဲမှုကော်မတီ၏ အမှတ်စဉ် (၈/၂ဝ၁၅) အစည်းအဝေးအရ စီစဉ် ဆောင်ရွက်လျက်ရှိကြောင်းသိရသည်။
ဆက်လက်၍ အဆိုပါဖြစ်စဉ်နှင့် ပတ်သက်၍ ကြည့်မြင်တိုင်မြို့နယ် အမျိုးသမီးရေးရာအဖွဲ့ဥက္ကဋ္ဌ ဒေါ်ခိုင် သဇင်၊ မြမြထွေးနှင့် အဖွဲ့ဝင်များက ရောင်းစားခံ အမျိုးသမီးသုံးဦးကို မြို့နယ်ရုံးတွင် ခေါ်ယူတွေ့ဆုံ၍ နှစ်သိမ့်ဆွေးနွေးအားပေးစကားများ ပြောကြားခဲ့သည်။
ဘော်ဂါသွေး
Myanmaalinn
https://www.facebook.com/MYANMAALINNNEWS