မြန်မာလူငယ်တစ်ဦး စင်္ကာပူ လေးလုံးတိုက်ထီ ပေါက်

စင်္ကာပူ ၁၇ ဒီဇင်ဘာလ ၂၀၁၅

ဘဝအတွက် တိုးတက်ဖို့ စင်္ကာပူမှာ လာရောက်ကြိုးစားနေတဲ့ မြန်မာလူငယ်လေး ကိုဝေမျိုးဦး ဟာ ယမန်နေ့ (၁၆/၁၂/၂၀၁၅) က ထွက်ရှိခဲ့တဲ့ စင်္ကာပူလေးလုံးတိုက်ထီကို ပထမဆုပေါက်ခဲ့ပါတယ်။

သူဟာ stainless steel pipe တွေကို လိုက်လံတပ်ဆင်ရတဲ့ကုမ္ပဏီက အလုပ်သမားလေးတစ်ဦးဖြစ်ပါတယ်။

ကိုဝေမျိုးဦးက ပထမကုမ္ပဏီမှာ ၅ နှစ်ကြာ လုပ်ခဲ့ပြီး ယခုကုမ္ပဏီကိုရောက်တာ ၆ လပဲရှိပါသေးတယ်။ယခုကုမ္ပဏီကို ရောက်ခါစမှ HR က ကုမ္ပဏီရဲ့ဝန်ထမ်းကိုယ်ပိုင်နံပါတ်ကိုပေးခဲ့ပါတယ်။သူ ရခဲ့တဲ့ နံပါတ်က ၈၆၅ ပါ။ဒါကို နောက်ဆုံးက "၀ "ကပ်ပြီး ၈၆၅၀ နံပါတ်ဖြစ်သွားပါတယ်။

၈၆၅၀ က ကိုဝေမျိူးဦးရဲ့မွေးဂဏန်းဖြစ်လာခဲ့ပါတယ်။သူဟာ ကြုံရင်ကြုံသလို S$5 ဖိုးထိုးခဲ့ပြီး ယခု ထီအပေါက်မည့်အကြိမ်မှာ S$20 နှင့် S$10 ဖိုးထိုးခဲ့ပါတယ်။

ယနေ့မှာ ကိုဝေမျိုးဦး တစ်ယောက် ထီဆုငွေ စင်္ကာပူဒေါ်လာ ၈ သောင်းကို ထုတ်ယူလာခဲ့ပြီးဖြစ်ပါတယ်။ သူ့ရဲ့ facebook time line မှာ "ပျော်တယ်ဆိုတာထက် ရင်တွေခုန်နေမိတယ် "လို့ ရေးသားထားပါတယ်။

ကိုဝေမျိုးဦးအနေနဲ့လည်း ကိုယ့်အသုံးစရိတ်ထဲက မပြောပလောက်တဲ့ပမာဏကို ကံကစားခဲ့ခြင်းသာဖြစ်လို့ ပထမဆုပေါက်ခဲ့ချိန်မှာအတိုင်းထက်အလွန်ဝမ်းသာနေရပါတယ်။

ကံကစားတဲ့အနေနဲ့ကိုယ့်အသုံးစရိတ်ထဲက မပြောပလောက်သောပမာဏကို ထီထိုးသကဲ့သို့လောင်းကစားနိုင်ပေမဲ့ ကိုယ့်မိသားစုအကျိုးစီးပွားထိခိုက်လောက်အောင်တော့ ကံကစားခြင်းမပြုသင့်ပါကြောင်းအများသူငါသိရှိစေရန်တင်ပြလိုက်ရပါတယ်။

အားလုံးပဲကိုဝေမျိုးဦးလိုကံကောင်း ကြပါစေ။

စလုံး Page
(စင်္ကာပူနှင့် ပတ်သက်သော
အကြောင်းအရာများ စုစည်းတင်ပြမှု)
www.facebook.com/SaloneCollection

ဓါတ်ပုံ- ကိုဝေမျိုးဦး