စစ်ကိုင်းတိုင်းဒေသကြီး ကလေးဒေသတွင်းရှိ မြစ်ချောင်းအင်းအိုင်များတွင် မိုးရာသီရေများချိန် ငါးရှာဖွေဖမ်းဆီးရာ၌ စည်းကမ်းမဲ့ ဘက်ထရီရှော့တိုက်ငါးဖမ်းဆီးမှု များပြားလာနေမှုကြောင့်၊ မြစ်ချောင်းအင်းအိုင်များအတွင်း ငါးသယံဇာတများ ပြုန်းတီးရှားပါးလာနေကြောင်း ကလေးဒေသခံတစ်ဦးက ပြောသည်။
ကလေးဒေသအတွင်း ဖြတ်သန်းစီးဆင်းနေသော နတ်တံခါးချောင်း၊ မန်လုံချောင်းနှင့် နေရဉ္စရာမြစ်၊ မြစ်သာမြစ်တို့တွင်ယခင်ကာလများက တစ်ပိုင်တစ်နိုင် ငါးလုပ်ငန်းလုပ်ကိုင်သူတို့ ငါးရရှိမှုများပြားခဲ့ကာ အများဆုံးဖမ်းဆီးရမိခဲ့သည့် ငါးဖယ်၊ ငါးပတ်၊ ငါးလူး၊ငါးမြွေထိုး၊ ပုဇွန်ထုတ်တို့သည် ယခုအခါ
မတွေ့ရသလောက် ရှားပါးသွားကြောင်း ဒေသတွင်း ငါးလုပ်ငန်း လုပ်ကိုင်နေသူတစ်ဦးက ပြောသည်။
''ကလေးနယ်မှာ ချောင်းမြောင်းအင်းအိုင်ပေါတယ်။ အဲဒီချောင်းမြောင်းတွေမှာ ဟိုတုန်းကဆို ယက်သဲ့ထိုးငါးဖမ်းတယ်။ ပိုက်ချ ငါးဖမ်းတယ်။ အခုဆို အဲဒါတွေမတွေ့ရတော့ဘူး။ နေရာတိုင်းမှာ မြင်နေရတာကဘက် ထရီလေးတွေချိတ်ပြီး ငါးရှော့တိုက်ဖမ်းနေတာများနေတယ်။ ဘက်ထရီရှော့တိုက် ငါးဖမ်းဆီးမှု များလာတဲ့အတွက် လယ်ထဲမှာတောင် ငါးပုဇွန်ကအစပျောက်ကွယ်စ ပြုနေပါပြီ''ဟု ကလေးဒေသခံ တောင်သူတစ်ဦး က ပြောသည်။
ဘက်ထရီရှော့တိုက် ငါးဖမ်းဆီးမှုကြောင့် ငါးအားလုံး မျိုးသုဉ်းပျက်စီးလာနေပြီး ချောင်းမြောင်းအင်းအိုင်များသာမက ဒေသတွင်း မြစ်များတွင်လည်း ဘက်ထရီရှော့တိုက် ငါးဖမ်းမှုကြောင့် တန်ဖိုးကြီး ငါးမျိုးစိတ်များ နည်းပါးပျောက်ကွယ်လာနေသည်။ ထို့အတူ ချောင်းမြောင်းများအတွင် ရှော့တိုက် ငါးဖမ်းမှုများကြောင့် ငါးသန်၊ ငါးမွှားများပါ ပျက်စီးပျောက်ကွယ်မှုဖြစ်လာသည့်အတွက် ကလေးဒေသတွင်း ဘက်ထရီရှော့တိုက် ငါးဖမ်းဆီးနေမှုကို ထိရောက်စွာ အရေးယူ
ဆောင်ရွက်ရန်လို အပ်နေကြောင်း ယင်းတောင်သူမှပင် ပြောသည်။
သျှင်သူရိယ
The Mirror Daily
