Quantcast
Viewing all articles
Browse latest Browse all 13796

ေထာင္မွလြတ္လာသည့္ တကၠသုိလ္ေက်ာင္းသားမ်ား ေက်ာင္းျပန္တက္ခြင့္ ျငင္းပယ္ခံရ

ဧရာ၀တီ| December 23, 2015 |
မႏၱေလး အုိးဘုိအက်ဥ္းေထာင္မွ ယမန္ေန႔နံနက္က လြတ္ေျမာက္လာေသာ ရတနာပုံတကၠသုိလ္ ေက်ာင္းသား သမဂၢမွ ကိုေအာင္ဆန္းဦး၊ ကိုဥာဏ္လင္းထက္၊ ကိုဂ်စ္တူးတုိ႔ ၃ဦးကုိ ရတနာပုံတကၠသုိလ္က ေက်ာင္းျပန္ တက္ခြင့္ျငင္းပယ္လုိက္သည္။

အဆုိပါ ေက်ာင္းသား ၃ဦး မွာ ေထာင္မွလြတ္ေျမာက္ၿပီးေနာက္ ယေန႔နံနက္ ရတနာပုံတကၠသိုလ္သို႔ ေက်ာင္း ျပန္အပ္ရန္ သြားေရာက္ရာ ဒုတိယပါေမာကၡခ်ဳပ္က လက္ခံရန္ ျငင္းပယ္လုိက္ျခင္းျဖစ္ေၾကာင္း ၎တုိ႔က ယေန႔ညေန ၃ နာရီက မႏၱေလးၿမိဳ႕ 88 Cafe  မွာ သတင္းစာရွင္းလင္းပြဲ ျပဳလုပ္ကာ ေျပာဆုိလုိက္သည္။

၎တုိ႔ကုိ ၿပီးခဲ့သည့္ ႏုိ၀င္ဘာ ၅ ရက္ေန႔ကတည္းက ရတနာပုံတကၠသုိလ္မွ ေက်ာင္းထုတ္လုိက္ျခင္းျဖစ္ေသာ္ လည္း ႏုိ၀င္ဘာ ၈ ရက္ေန႔ ေရြးေကာက္ပြဲေၾကာင့္ အမ်ားေ၀ဖန္ခံရမည္စုိး၍ ေက်ာင္းထုတ္သည့္စာကုိ အသိမေပးခဲ့ျခင္းျဖစ္ေၾကာင္း သိရသည္။

ကုိႏုိင္ရဲေ၀အပါအ၀င္ ကုိဥာဏ္လင္းထက္၊ ကုိေအာင္ဆန္းဦး၊ ကုိဂ်စ္တူးတုိ႔ ၄ဦးမွာ လက္ပံတန္းဖမ္းဆီးခံရသည့္ ေက်ာင္းသားျပည္သူမ်ား လြတ္ေျမာက္ေရး ႏွင့္ စစ္အာဏာရွင္ ဆန္႔က်င္ေရး စာသားမ်ားကုိ ရတနာပုံတကၠသုိလ္ မုခ္ဦး အ၀င္၀တြင္ ေရးဆြဲမႈျဖင့္ ယခုႏွစ္ ဇူလုိင္လ ၁ရက္ေန႔က ဖမ္းဆီးခံခဲ့ရ ၿပီး အမရပူရျမိဳ႕နယ္တရားရုံးက ပုဒ္မ၁၈ ျဖင့္ ၃လ၊ ပုဒ္မ၁၄၃ျဖင့္ ၃လ၊ ပုဒ္မ၅၀၅(ခ)ျဖင္႕၆လေထာင္ဒဏ္ အသီသီးခ်မွတ္ခံရသည္။

ရတနာပုံတကၠသုိလ္ ေက်ာင္းသားသမဂၢဥကၠဌကိုနိင္ရဲေဝမွာမလြတ္ေျမာက္ေသးဘဲ၂၀၁၆မွျပန္ လည္လြတ္ေျမာက္မည္ဟုသိရသည္။

မင္းထက္ၿငိမ္းခ်မ္း ေပးပုိ႔သည္။
Mizzima
..........
ထောင်မှလွတ်လာသည့် တက္ကသိုလ်ကျောင်းသားများ ကျောင်းပြန်တက်ခွင့် ငြင်းပယ်ခံရ
ဧရာဝတီ| December 23, 2015 |
မန္တလေး အိုးဘိုအကျဉ်းထောင်မှ ယမန်နေ့နံနက်က လွတ်မြောက်လာသော ရတနာပုံတက္ကသိုလ် ကျောင်းသား သမဂ္ဂမှ ကိုအောင်ဆန်းဦး၊ ကိုဉာဏ်လင်းထက်၊ ကိုဂျစ်တူးတို့ ၃ဦးကို ရတနာပုံတက္ကသိုလ်က ကျောင်းပြန် တက်ခွင့်ငြင်းပယ်လိုက်သည်။

အဆိုပါ ကျောင်းသား ၃ဦး မှာ ထောင်မှလွတ်မြောက်ပြီးနောက် ယနေ့နံနက် ရတနာပုံတက္ကသိုလ်သို့ ကျောင်း ပြန်အပ်ရန် သွားရောက်ရာ ဒုတိယပါမောက္ခချုပ်က လက်ခံရန် ငြင်းပယ်လိုက်ခြင်းဖြစ်ကြောင်း ၎င်းတို့က ယနေ့ညနေ ၃ နာရီက မန္တလေးမြို့ 88 Cafe  မှာ သတင်းစာရှင်းလင်းပွဲ ပြုလုပ်ကာ ပြောဆိုလိုက်သည်။

၎င်းတို့ကို ပြီးခဲ့သည့် နို၀င်ဘာ ၅ ရက်နေ့ကတည်းက ရတနာပုံတက္ကသိုလ်မှ ကျောင်းထုတ်လိုက်ခြင်းဖြစ်သော် လည်း နို၀င်ဘာ ၈ ရက်နေ့ ရွေးကောက်ပွဲကြောင့် အများဝေဖန်ခံရမည်စိုး၍ ကျောင်းထုတ်သည့်စာကို အသိမပေးခဲ့ခြင်းဖြစ်ကြောင်း သိရသည်။

ကိုနိုင်ရဲဝေအပါအဝင် ကိုဉာဏ်လင်းထက်၊ ကိုအောင်ဆန်းဦး၊ ကိုဂျစ်တူးတို့ ၄ဦးမှာ လက်ပံတန်းဖမ်းဆီးခံရသည့် ကျောင်းသားပြည်သူများ လွတ်မြောက်ရေး နှင့် စစ်အာဏာရှင် ဆန့်ကျင်ရေး စာသားများကို ရတနာပုံတက္ကသိုလ် မုခ်ဦး အဝင်ဝတွင် ရေးဆွဲမှုဖြင့် ယခုနှစ် ဇူလိုင်လ ၁ရက်နေ့က ဖမ်းဆီးခံခဲ့ရ ပြီး အမရပူရမြို့နယ်တရားရုံးက ပုဒ်မ၁၈ ဖြင့် ၃လ၊ ပုဒ်မ၁၄၃ဖြင့် ၃လ၊ ပုဒ်မ၅၀၅(ခ)ဖြင့်၆လထောင်ဒဏ် အသီသီးချမှတ်ခံရသည်။

ရတနာပုံတက္ကသိုလ် ကျောင်းသားသမဂ္ဂဥက္ကဌကိုနိင်ရဲဝေမှာမလွတ်မြောက်သေးဘဲ၂၀၁၆မှပြန် လည်လွတ်မြောက်မည်ဟုသိရသည်။

မင်းထက်ငြိမ်းချမ်း ပေးပို့သည်။

Viewing all articles
Browse latest Browse all 13796

Trending Articles


အစ္စရေး တိုက်နေတဲ့စစ်ပွဲတွေက နိုင်ငံ့ စီးပွားရေးအပေါ် ဘယ်လောက်အထိနာစေလဲ


TTA Oreo Gapp Installer


အခ်ိန္ကုန္သက္သာေစမယ့္ အုတ္ခင္းစက္


ဘာျဖစ္လို႕ စစ္သားေတြ အေလးျပဳၾကသလဲဆိုတဲ့ ေမးခြန္းအတြက္ပါ


မယ္ႏု ႏွင့္ ေမာင္အို အုပ္စု တန္ခုိးထြားျခင္း


“ေတြးမိတိုင္း အ႐ိုးနာသည္ အမ်ဳိးပါ ဆဲခ်င္ေပါ့ေလး”


သားသမီး ရင္ေသြးရတနာအတြက္ ပူပင္ေသာက မ်ားေနတယ္ဆိုရင္


♪ ေလးျဖဴ -BOB - ဘဂၤလားပင္လယ္ေအာ္ MP3 Album ♫


ပူေဇာ္ျခင္းႏွစ္မ်ိဳး


ေထာင္ထဲမွာ ေတြ႕ခဲ့ရေသာ ဆင္ဖမ္းမယ္ က်ားဖမ္းမယ္ဆုိတဲ့ ဗုိလ္မွဴး ဗုိလ္ခ်ဳပ္ေတြ -...



<script src="https://jsc.adskeeper.com/r/s/rssing.com.1596347.js" async> </script>