မေကြးတိုင္းေဒသႀကီး ေအာင္လံၿမိဳ႕နယ္ ေျမြ႐ိုးေက်းရြာတြင္ အမ်ိဳးသမီးတစ္ဦးမွာ ကေလးသူခိုးဟုစြပ္စြဲခံရသ ျဖင့္ လူအမ်ားေရွ႕တြင္ ကေလးကိုႏို႔တိုက္၍ သက္ေသျပခဲ့ရေၾကာင္း ေအာင္လံၿမိဳ႕မရဲစခန္းမွ သိရွိရသည္။
ေအာင္လံၿမိဳ႕နယ္ ေျမြ႐ိုးေက်းရြာ၌ ဇန္နဝါရီ ၁၀ ရက္ ညပိုင္းက ကေလးသူခိုးအဖြဲ႔ ဖမ္းဆီးရမိထားေၾကာင္း သတင္းရသျဖင့္ ေအာင္လံၿမိဳ႕မရဲစခန္းမွဴးႏွင့္အဖဲြ႔က အဆိုပါေက်းရြာသို႔သြားေရာက္ရာတြင္ ေက်းရြာသို႔ေရာက္ရွိ လာသည့္အဖြဲ႔မွာ ကေလးသူခိုးဟု စြပ္စြဲခံရျခင္းျဖစ္၍ ရဲစခန္းသို႔ေခၚေဆာင္ထိန္းသိမ္းခဲ့ရေၾကာင္း ေအာင္လံၿမိဳ႕မရဲစခန္းမွဴး ဒုရဲမွဴးေနာ္ခမ္း၏ ေျပာၾကားခ်က္အရ သိရသည္။
“အင္တာနက္ကတစ္ဆင့္ ခ်စ္ႀကိဳက္ခဲ့ၾကၿပီး ခိုးယူေပါင္းသင္းဖို႔ ေျမြ႐ိုးေက်းရြာကို ေရာက္လာၾကတာပါ။ ေကာင္မေလးနဲ႔ အေဖာ္ျပဳလိုက္လာတဲ့အမ်ိဳးသမီးမွာ တစ္ႏွစ္နဲ႔သံုးလသားအရြယ္ ကေလးငယ္တစ္ဦး ပါရိွလာတာေၾကာင့္ ကေလးသူခိုးအဖဲြ႔ထင္ၿပီး ျဖစ္ၾကတာပါ”ဟု ဒုရဲမွဴး ေနာ္ခမ္းကေျပာသည္။
ကံၿမိဳ႕နယ္ ဇီးေတာေက်းရြာေန အမ်ိဳးသမီးတစ္ဦးသည္ ၎ႏွင့္ အင္တာနက္တြင္ သမီးရည္းစားျဖစ္ခဲ့သူ ေအာင္လံၿမိဳ႕ေန ဆက္ထြန္းဦးဆိုသူႏွင့္ ခိုးရာလိုက္ေျပးရာတြင္ သူမႏွင့္ အေဖာ္အျဖစ္ သားအမိႏွစ္ဦးအား ေခၚေဆာင္လာခဲ့ျခင္းျဖစ္သည္။
၎တို႔ကို ဆက္ထြန္းဦး၏ သူငယ္ခ်င္းျဖစ္သူ ခ်စ္တီး(ခ)သန္႔ဇင္ထြန္းသည္ ေျမြ႐ိုးေက်းရြာရွိ ၎ႏွင့္ရင္းႏွီးသူ ဦးျမင့္လြင္၏ ေနအိမ္သို႔ လာေရာက္ပို႔ေဆာင္၍ တည္းခိုရန္ေခၚေဆာင္လာရာမွ ၎တို႔ေလးဦးအဖြဲ႔ကို ကေလး သူခိုးအဖြဲ႔ဟု စြပ္စြဲခဲ့ၾကျခင္းျဖစ္သည္။
“ဦးျမင့္လြင္က ခရီးထြက္ေနလို႔ ရြာမွာရိွမေနတာေၾကာင့္ ဆယ္အိမ္မွဴးေနအိမ္ကို သြားၿပီး ဧည့္စာရင္း တိုင္ၾကတာပါ။ ကြ်န္ေတာ္တို႔မွာ မွတ္ပံုတင္ပါမလာလို႔ ဆယ္အိမ္မွဴးနဲ႔ စကားေျပာဆိုေနတုန္းမွာ တုတ္ေတြ၊ ဓားေတြကိုင္ ထားတဲ့ ရြာသားေတြေရာက္လာၾကၿပီး ကေလးသူခိုးအဖဲြ႔လို႔ စြပ္စဲြၾကတာပါ”ဟု ခ်စ္တီး(ခ)သန္႔ဇင္ထြန္းက ေျပာသည္။
ရြာသားမ်ားက ၎တို႔အဖြဲ႔တြင္ပါလာသည့္ ကေလးအား ခိုးယူလာျခင္းျဖစ္မည္ဟု ထင္မွတ္၍ ကေလးသူခိုး မဟုတ္ပါက ကေလးကို ႏို႔တိုက္၍သက္ေသျပရန္ ေတာင္းဆိုခဲ့ၾကျခင္းေၾကာင့္ ကေလးအေမျဖစ္သူမွာ လူပံု အလယ္တြင္ ကေလးကို ႏို႔တိုက္ျပခဲ့ရေၾကာင္း သိရသည္။
ဆင္ေပါင္ဝဲၿမိဳ႕နယ္ စိုင္က်ေက်းရြာတြင္လည္း ဇန္နဝါရီ ၅ ရက္က ကေလးသူခိုးဟုစြပ္စဲြ၍ ေရႊပဲြစားအမ်ိဳးသမီး တစ္ဦးအား နံ႐ိုးႏွစ္ေခ်ာင္းက်ိဳးသည္အထိ အုပ္ခ်ဳပ္ေရးမွဴးႏွင့္ ေက်းရြာသားမ်ားက ဝိုင္းဝန္း႐ိုက္ႏွက္ခဲ့သည့္ ျဖစ္ စဥ္တစ္ခုျဖစ္ပြားခဲ့ေၾကာင္း သိရသည္။
သတင္း - MMK
The Ladies News Journal
https://www.facebook.com/News.TheLadies
.............
မကွေးတိုင်းဒေသကြီး အောင်လံမြို့နယ် မြွေရိုးကျေးရွာတွင် အမျိုးသမီးတစ်ဦးမှာ ကလေးသူခိုးဟုစွပ်စွဲခံရသ ဖြင့် လူအများရှေ့တွင် ကလေးကိုနို့တိုက်၍ သက်သေပြခဲ့ရကြောင်း အောင်လံမြို့မရဲစခန်းမှ သိရှိရသည်။
အောင်လံမြို့နယ် မြွေရိုးကျေးရွာ၌ ဇန်နဝါရီ ၁၀ ရက် ညပိုင်းက ကလေးသူခိုးအဖွဲ့ ဖမ်းဆီးရမိထားကြောင်း သတင်းရသဖြင့် အောင်လံမြို့မရဲစခန်းမှူးနှင့်အဖွဲ့က အဆိုပါကျေးရွာသို့သွားရောက်ရာတွင် ကျေးရွာသို့ရောက်ရှိ လာသည့်အဖွဲ့မှာ ကလေးသူခိုးဟု စွပ်စွဲခံရခြင်းဖြစ်၍ ရဲစခန်းသို့ခေါ်ဆောင်ထိန်းသိမ်းခဲ့ရကြောင်း အောင်လံမြို့မရဲစခန်းမှူး ဒုရဲမှူးနော်ခမ်း၏ ပြောကြားချက်အရ သိရသည်။
“အင်တာနက်ကတစ်ဆင့် ချစ်ကြိုက်ခဲ့ကြပြီး ခိုးယူပေါင်းသင်းဖို့ မြွေရိုးကျေးရွာကို ရောက်လာကြတာပါ။ ကောင်မလေးနဲ့ အဖော်ပြုလိုက်လာတဲ့အမျိုးသမီးမှာ တစ်နှစ်နဲ့သုံးလသားအရွယ် ကလေးငယ်တစ်ဦး ပါရှိလာတာကြောင့် ကလေးသူခိုးအဖွဲ့ထင်ပြီး ဖြစ်ကြတာပါ”ဟု ဒုရဲမှူး နော်ခမ်းကပြောသည်။
ကံမြို့နယ် ဇီးတောကျေးရွာနေ အမျိုးသမီးတစ်ဦးသည် ၎င်းနှင့် အင်တာနက်တွင် သမီးရည်းစားဖြစ်ခဲ့သူ အောင်လံမြို့နေ ဆက်ထွန်းဦးဆိုသူနှင့် ခိုးရာလိုက်ပြေးရာတွင် သူမနှင့် အဖော်အဖြစ် သားအမိနှစ်ဦးအား ခေါ်ဆောင်လာခဲ့ခြင်းဖြစ်သည်။
၎င်းတို့ကို ဆက်ထွန်းဦး၏ သူငယ်ချင်းဖြစ်သူ ချစ်တီး(ခ)သန့်ဇင်ထွန်းသည် မြွေရိုးကျေးရွာရှိ ၎င်းနှင့်ရင်းနှီးသူ ဦးမြင့်လွင်၏ နေအိမ်သို့ လာရောက်ပို့ဆောင်၍ တည်းခိုရန်ခေါ်ဆောင်လာရာမှ ၎င်းတို့လေးဦးအဖွဲ့ကို ကလေး သူခိုးအဖွဲ့ဟု စွပ်စွဲခဲ့ကြခြင်းဖြစ်သည်။
“ဦးမြင့်လွင်က ခရီးထွက်နေလို့ ရွာမှာရှိမနေတာကြောင့် ဆယ်အိမ်မှူးနေအိမ်ကို သွားပြီး ဧည့်စာရင်း တိုင်ကြတာပါ။ ကျွန်တော်တို့မှာ မှတ်ပုံတင်ပါမလာလို့ ဆယ်အိမ်မှူးနဲ့ စကားပြောဆိုနေတုန်းမှာ တုတ်တွေ၊ ဓားတွေကိုင် ထားတဲ့ ရွာသားတွေရောက်လာကြပြီး ကလေးသူခိုးအဖွဲ့လို့ စွပ်စွဲကြတာပါ”ဟု ချစ်တီး(ခ)သန့်ဇင်ထွန်းက ပြောသည်။
ရွာသားများက ၎င်းတို့အဖွဲ့တွင်ပါလာသည့် ကလေးအား ခိုးယူလာခြင်းဖြစ်မည်ဟု ထင်မှတ်၍ ကလေးသူခိုး မဟုတ်ပါက ကလေးကို နို့တိုက်၍သက်သေပြရန် တောင်းဆိုခဲ့ကြခြင်းကြောင့် ကလေးအမေဖြစ်သူမှာ လူပုံ အလယ်တွင် ကလေးကို နို့တိုက်ပြခဲ့ရကြောင်း သိရသည်။
ဆင်ပေါင်ဝဲမြို့နယ် စိုင်ကျကျေးရွာတွင်လည်း ဇန်နဝါရီ ၅ ရက်က ကလေးသူခိုးဟုစွပ်စွဲ၍ ရွှေပွဲစားအမျိုးသမီး တစ်ဦးအား နံရိုးနှစ်ချောင်းကျိုးသည်အထိ အုပ်ချုပ်ရေးမှူးနှင့် ကျေးရွာသားများက ဝိုင်းဝန်းရိုက်နှက်ခဲ့သည့် ဖြစ် စဉ်တစ်ခုဖြစ်ပွားခဲ့ကြောင်း သိရသည်။
သတင်း - MMK
The Ladies News Journal
https://www.facebook.com/News.TheLadies