မြန်မာနိုင်ငံဒေသ အတော်များများမှာ ရေကြီး ရေလျှံမှုတွေက ပြည်သူတွေရဲ့ အသက် အိုးအိမ် စည်းစိမ်တွေကို ခြိမ်းခြောက်နေပါပြီ။ ဇူလိုင်လ (၂၀) ရက် ကျော်ကတည်းက စစ်ကိုင်းတိုင်း ဒေသကြီး အတွင်းမှာ ရေကြီး ရေလျှံမှုတွေ စဖြစ်ခဲ့တာ အခုဆိုရင် စစ်ကိုင်းတိုင်း ဒေသကြီး၊ မကွေးတိုင်း ဒေသကြီး၊ ရခိုင်ပြည်နယ်၊ ချင်းပြည်နယ်တွေကို အရေးပေါ် အခြေအနေ ကြေညာရတဲ့ အဆင့်ထိ ရောက်နေပါပြီ။ ဒါပေမဲ့ အရေးပေါ် ကြေညာချက် ထုတ်ပြန်ခဲ့တာ နောက်ကျခဲ့ပြီလို့ သဘာဝ ပတ်ဝန်းကျင် ပညာရှင်တွေက ဝေဖန်နေပါပြီ။ ဘာဖြစ်လို့ နောက်ကျရတာလဲ။
အခု ပြည်သူတွေ ခံစားနေရတဲ့ သဘာဝ ဘေးအန္တရာယ်က ရေကြီးရေလျှံတဲ့ ဒုက္ခပါ။ ကြိုတင်မှန်းဆဖို့ ခက်တဲ့ ငလျင်လို ဘေးဒုက္ခမျိုး မဟုတ်ပါဘူး။ တတ်ကျွမ်း နားလည်တဲ့ ပုဂ္ဂိုလ်တွေက ကြိုတင် သတိပေးနေတာတောင် ဘာဖြစ်လို့ တုံ့ပြန် ဆောင်ရွက်ဖို့ နှောင့်နှေးခဲ့တာလဲ ဆိုတာ မစဉ်းစား နိုင်လောက်အောင်ပါပဲ။ စစ်ကိုင်းတိုင်း ဒေသကြီးထဲက ကလေးမြို့ ၊ မကွေးတိုင်း ဒေသကြီးထဲက ပွင့်ဖြူ ၊ စလင်း၊ စေတုတ္ထရာတို့ ၊ စစ်တွေ တို့မှာလည်း စံချိန်တင် ရေနစ်မြုပ်မှုဒဏ်ကို ပြည်သူတွေ ခံစား နေရတာပါပဲ။
အခုလို အခြေ အနေ ဆိုးဆိုးဝါးဝါး ဖြစ်လာတော့မှ အစည်းအဝေး ထိုင်ကြတယ်။ ကူညီ ကယ်ဆယ်ရေး လုပ်ကြမယ်တဲ့။ ချင်းပြည်နယ်၊ ရခိုင်ပြည်နယ်က လွဲလို့ စစ်ကိုင်းတိုင်း ဒေသကြီးနဲ့ မကွေးတိုင်း ဒေသကြီးတွေထဲက ဆည်တွေကလည်း ရေပိုတွေကို လွှတ်ထုတ်နေရပါပြီ။ တစ်နိုင်ငံလုံးမှာ ဆည်ရှိတဲ့ ဒေသ အနီးအနားက ပြည်သူတွေ စိုးရိမ်ပူပန်မှု မြင့်တက်နေတာပါ။
ဒီဒေသတွေ တင်လား ဆိုတော့ မဟုတ်ပါဘူး။ ပဲခူးတိုင်း ဒေသကြီး၊ ဧရာဝတီတိုင်း ဒေသကြီး၊ မွန်ပြည်နယ်တွေမှာလည်း ဒေသအလိုက် ရေကြီး ရေလျှံ မှုတွေ ခံစားနေရပါပြီ။ ကူညီ ကယ်ဆယ်ရေးတွေ လုပ်နေပါပြီ။ ဒါပေမဲ့ နောက်ကျခဲ့တယ် ဆိုတာတော့ ၀န်ခံရမှာပါပဲ။ သဘာဝ ဘေးအန္တရာယ်ဆိုးကြီး ဖြစ်တဲ့ နာဂစ်ကို ကြုံတွေ့ခဲ့ဖူးတဲ့ စီမံခန့်ခွဲခဲ့ သူတွေအနေနဲ့ အခုဘာလို့ တုံ့ပြန်မှု နောက်ကျခဲ့တာလဲ။
သဘာဝဘေး အန္တရာယ် တစ်ခုခု ကျရောက်ခဲ့ပြီ ဆိုရင်တော့ ရုပ်ဝတ္ထူ ပစ္စည်းတွေက ပျက်စီးမှာပါပဲ။ အခုဆိုရင် လယ်ယာမြေတွေ ပျက်စီးတယ်။ အိုးအိမ် အဆောက်အဦတွေ ပျက်စီး ဆုံးရှုံးမယ်။ ဒီထက် ပိုဆိုးတာက အရေးပေါ် အခြေအနေ သတ်မှတ်တာ နောက်ကျခဲ့တာကြောင့် အသက်အန္တရာယ် ဆုံးရှုံးမှု ပိုများလာမှာကိုတော့ စိုးရိမ်ပါတယ်။
အမျိုးသားရေး ဆိုပြီး တစာစာ အော်နေတဲ့ မျိုးချစ်ပုဂ္ဂိုလ်၊ သူဌေးကြီးတွေကလည်း နိုင်ငံတော် အကြီးအကဲတွေ မျက်နှာမြင်မှ လှူချင်တန်းချင် ကြတာကိုးဗျ။ အခုက ဘာနဲ့တူနေလဲဆိုရင် ရေဘေး ဒုက္ခသည်တွေက မြို့ထဲမှာ ရင်စို့လောက် ရေ၀င်နေချိန်မှ ကူညီကယ်ဆယ်ဖို့ အစည်းအဝေး လုပ်နေကြတုန်း။
ရာသီဥတု ဖောက်ပြန်မယ်၊ မိုးရွာမယ်ဆိုတဲ့ အခြေအနေ၊ မုန်တိုင်း အခြေအနေတွေကို ကြိုသိနေပါလျက်နဲ့ ကြိုတင်စီမံခန့်ခွဲမှုတွေ နောက်ကျခဲ့တာကြောင့် ပြည်သူတွေ ရေဘေးဒုက္ခကို ပိုခံစားကြရတာပါပဲ။ ရေခဲတောင်တက်လို့ ပျောက်သွားတဲ့ သူတွေကိုတောင် အမေရိကန် ဒေါ်လာ သန်းနဲ့ချီသုံးပြီး ရှာဖွေမှုတွေ လုပ်ခဲ့သေးတာပဲ။ အခု ရေဘေးသင့်နေတဲ့ ပြည်သူတွေကလည်း သူတို့ကို အကူအညီ ပေးမယ့် သူတွေကို စောင့်မျှော်နေမှာ သေချာပါတယ်။ အချိန်ဆွဲတဲ့ အစည်းအဝေးတွေ လျော့ကြပေါ့ဗျာ။ အခုဆိုရင် အစားအစာတွေလည်း ရှားပါးကုန်ပြီ။
နောက်ဆက်တွဲ ကျန်းမာရေး ပြဿနာတွေ ကြုံရတော့မယ်။ ရေဘေးထဲမှာ ပိတ်မိနေတဲ့ ပြည်သူတွေကိုလည်း အချိန်နဲ့ တစ်ပြေးညီ ကယ်ဆယ် ရတော့မယ်။ အချိန်ရှိပါလျက် ကြိုတင် မစီစဉ်ခဲ့တာကြောင့်ပိုပြီး ဆုံးရှုံးမှုတွေ ကြုံတွေ့ရတော့မှာပါပဲ။ ပိုပြီးဆိုးတာက ချင်းပြည်နယ်နဲ့ ရခိုင်ပြည်နယ်ပါ။
ရာသီဥတု ဆိုးဝါးတဲ့ ဒဏ်ကြောင့် ကူညီ ကယ်ဆယ်ရေးတွေ လုပ်ဖို့ ခဲယဉ်းနေတာပါပဲ။ သဘာဝ ဘေးအန္တရာယ် တစ်ခုခု ကျရောက်လာရင် တုံ့ပြန်ဆောင်ရွက်ဖို့ ဖွဲ့ထားတဲ့ အဖွဲ့အစည်းတွေ ရှိပါလျှက်နဲ့ ဘာကြောင့်များ အဲဒီအဖွဲ့တွေက အသက်ဝင် အလုပ်လုပ်ဖို့ နှောင့်နှေးကြန့်ကြာ ခဲ့ရတာလဲ ဆိုတာ သေခြာပြန်ပြီး ဆန်းစစ်သင့်ပါတယ်။
ပြည်သူတွေရဲ့ အသက်အိုးအိမ် ဆုံးရှုံးပျက်စီးမှုတွေ အတွက် ဘယ်သူတွေက တာဝန်ယူကြမှာလဲ။ သဘာဝ ဘေးအန္တရာယ် ဒဏ်ခံခဲ့ရတဲ့ ဒေသတွေရဲ့ ပြန်လည် တည်ဆောက်ရေးကို အချိန်တိုအတွင်း အသင့်တော်ဆုံး အခြေအနေ ပြန်ရောက်အောင် မှန်မှန်ကန်ကန် လုပ်ဆောင်ဖို့လည်း လိုပါတယ်။ ပြည်သူ့ ကိုယ်စားလှယ် ဆိုသူတွေအနေနဲ့ ဒုက္ခရောက်နေတဲ့ ပြည်သူတွေဆီက မဲပြားတွေကို ထိုင်ပြီး တွက်မနေကြပါနဲ့လို့ ပြောပါရစေဗျာ။
ရေကြီးနစ်မြုပ်တဲ့ ဒေသတွေမှာ ပြည်သူတွေက အဆိုးဝါးဆုံး အခြေအနေနဲ့ ရင်ဆိုင်နေရတယ် ဆိုတာ အစိုးရ တာဝန်ရှိသူတွေရော၊ ကိုယ်စားလှယ်တော်ကြီးတွေရော၊ အရပ်ဖက် အဖွဲ့အစည်းတွေ၊ ခရိုနီပဲ ပြောပြော၊ အမျိုးသား လုပ်ငန်းရှင်ကြီးတွေပဲ ပြောပြော သတိပြုမိဖို့ လိုပါတယ်။ အချိန်က အသက်တမျှ အရေးကြီးနေကြောင်းပါ ခင်ဗျာ…။
The Messenger
http://www.messengerdaily.com