စစ်တွေ ဇူလိုင် ၁၆
ရခိုင်ပြည်နယ် စစ်တွေမြို့နယ်ရှိ ဘင်္ဂါလီဒုက္ခသည်စခန်းများတွင် စားဝတ်နေရေး၊ ကျန်းမာရေး၊ လူမှုရေး အခက် အခဲများရှိနေကြောင်း OIC အပါအဝင် နိုင်ငံတကာ အဖွဲ့ အစည်းအချို့နှင့် နိုင်ငံတကာမီဒီယာများက စွပ်စွဲ ပြောဆိုနေသော်လည်း နိုင်ငံတကာ အဖွဲ့အစည်းများ၊ ကုလသမဂ္ဂ လက်အောက်ခံ အဖွဲ့အစည်းများ၊ ရခိုင် ပြည်နယ် အစိုးရ အဖွဲ့တို့မှ လစဉ်ထောက်ပံ့ပေးသည့် ဆန်၊ ဆီ၊ ပဲနှင့် မီးဖိုချောင်သုံး ပစ္စည်းများ၊ အ၀တ် အထည်များ၊ အမျိုးသမီးအသုံးအဆောင်ပစ္စည်းများ၊ ကလေး အသုံးအဆောင် ပစ္စည်းများ၊ မိုးကာစများမှာ ဒုက္ခသည်များ သုံးစွဲနိုင်သည်ထက် ပိုလျှံနေသည့် အတွက် စစ်တွေမြို့နယ် ဘုမေကျေးရွာအုပ်စု၊ ဒါးပိုင် (ဘင်္ဂါလီ) ကျေးရွာအနီး ကားလမ်းဘေးတွင် ဈေးဆိုင်ခန်းများ ဖွင့်လှစ်ရောင်းချလျက်ရှိသည်။
အဆိုပါဆိုင်များမှာ ၂၀၁၂ ခုနှစ် နောက်ပိုင်းတွင် ပေါ်ပေါက်လာခဲ့ခြင်းဖြစ်ပြီး ထိုဆိုင်များမှ ရောင်းချသည့် ဈေးနှုန်းမှာ အခြားဆိုင်ကြီးများတွင် ရောင်းချ သည့် ဈေးနှုန်း များထက် တစ်ဝက်ခန့် သက်သာနေခြင်းကြောင့် လာရောက် ၀ယ်ယူမှုများ ရှိနေသည်။
စစ်တွေမြို့နယ်အတွင်း ဘင်္ဂါလီဒုက္ခသည် စခန်းများ၏ မြေပြင်ရှိ လူဦးရေစာရင်း များအား သေချာစွာ စိစစ်ကြပ်မတ် နိုင်မှုအားနည်းခြင်း၊ စိစစ်ရန် ခက်ခဲခြင်း၊ ဒုက္ခသည် စခန်း ကော်မတီဝင်များ၏ တင်ပြသည့် လူဦးရေ စာရင်းများကို အခြေခံ၍ နိုင်ငံတကာ အဖွဲ့အစည်းများမှ ထောက်ပံ့ရေး ပစ္စည်းများအား ပေး အပ်ခြင်း ပြုလုပ်နေမှုကြောင့် ဒုက္ခသည်စခန်း ကော်မတီဝင်များသည် လိုအပ်သော လူဦးရေထက် ထောက်ပံ့မှုများ ပိုမိုရရှိနေသဖြင့် ပိုလျှံသော အသုံးအဆောင်ပစ္စည်းများကို ပြင်ပသို့ ရောင်းချနေကြောင်း သတင်း များ ပေါ်ထွက် လျက်ရှိသည်။
MOI Webportal Myanmar
