ရန်ကုန်၊ ဇူလိုင် ၁၇
ပြည်နယ်များထဲတွင် ရခိုင်ပြည်နယ်မှာ လယ်ယာမြေ သိမ်းဆည်းခံရမှု အများဆုံး ပြည်နယ် ဖြစ်ပြီး လယ်ယာမြေများကို အများဆုံး သိမ်းဆည်းထားသည်မှာ စစ်တပ်မှ ဖြစ်ကြောင်း ၈၈-မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်း လယ်ယာစီးပွားရေးနှင့် တောင်သူ လယ်သမား ရေးရာ ဌာနမှ ပြောသည်။
ဇူလိုင် (၁၇)ရက် သောကြာနေ့ နေ့လည် (၁)နာရီက ရန်ကုန် မြို့၊ သင်္ဃန်းကျွန်းမြို့နယ် ၊ သုမင်္ဂလာလမ်း ၈၈ မျိုးဆက် ရုံးခန်းတွင် ပြုလုပ်သော “ ရခိုင်ပြည်နယ်ခရီးစဉ်တွင် ကြားမြင်ခဲ့ရ သည့် မြေယာပြဿနာများနှင့် ပတ်သက် ၍ သတင်းစာ ရှင်းလင်းပွဲ” တွင် အဆိုပါ အဖွဲ့က ထိုသို့ ပြောဆိုလိုက်ခြင်း ဖြစ်သည်။
တောင်သူလယ်သမားရေးရာဌာန ဒုတိယ တာဝန်ခံ ဦးမျိုးသန့်က “ ကျွန်တော်တို့ ကချင်ပြည်နယ်ကလွဲပြီး ကျန်ပြည်နယ် (၆)ပြည်နယ်ကို ရောက်ခဲ့ဖူးပါတယ်။ အဲဒီ ပြည်နယ် (၆)ခုထဲမှာ ရခိုင်ပြည်နယ်ဟာ မြေယာသိမ်းဆည်းခံရမှု အများဆုံးပါ။ သိမ်းဆည်းထားတဲ့ မြေယာထဲမှာ ကာ ကွယ်ရေးကို အကြောင်းပြပြီး စစ်တပ်က သိမ်းယူထားတာအများဆုံးပါ” ဟု ဆို သည်။
ရခိုင်ပြည်နယ်ရှိ ဂွ၊ သံတွဲ၊ တောင် ကုတ်၊ ကျောက်ဖြူ၊ ရမ်းဗြဲ၊ အမ်း၊ စစ် တွေ၊ ပုဏ္ဏားကျွန်း၊ ရသေ့တောင်၊ ကျောက်တော်၊ မြောက်ဦး၊ မင်းပြား၊ ပေါက်တော့ စသည့် (၁၃)မြို့နယ်သို့ (၂၅) ရက်ကြာသွားရောက်ကွင်းဆင်း လေ့လာခဲ့ကြသည်။
ထိုခရီးစဉ်တွင် ဒေသခံရခိုင်ပြည်သူများနှင့် တွေ့ဆုံ ပြောကြား လေ့လာတွေ့ရှိချက် အရ မြေယာသိမ်း ပြဿနာ အမှုပေါင်း ၈၀ ကျော်ရှိကြောင်း ပြောဆိုသည်။
ထိုအထဲတွင် တပ်သိမ်း ၃၄ မှု၊ အုပ်ချုပ်ရေးပိုင်းသိမ်း ၂၁ မှု၊ ကုမ္ပဏီသိမ်း ၉ မှု၊ ဝန်ကြီးဌာနသိမ်း ၅ မှု၊ စီး ပွားရေး လုပ်ငန်းရှင်သိမ်း ၁ မှု ၊ လယ်ယာ မြေအငြင်းပွား ၂ မှု၊ ရဲဘော်ဟောင်း သိမ်း ၁မှု၊ ကျေးရွာမြေစိစစ်ဆုံးဖြတ် ချက်အားမနာခံမှု ၁ မှုဖြစ်ကြောင်း ၈၈-မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်း လယ်ယာစီးပွားရေးနှင့် တောင်သူလယ်သမားရေးရာဌာနမှ ပြောသည်။
“ ကျွန်တော်တို့ ခရီးစဉ်မှာ စစ်တပ် က တိုက်ရိုက်မဟုတ်ပေမဲ့ သွယ်ဝိုက်ခြိမ်း ခြောက်တဲ့ အပြုအမူမျိုးတွေ တွေ့ခဲ့ရပါ တယ်။ ဒေသခံ ရခိုင်ပြည်သူတွေကိုလည်း ခြိမ်းခြောက်နေတယ်လို့ ခံစားခဲ့ရပါ တယ်” ဟု ကိုမျိုးသန့်က နိရဉ္စရာသတင်း ဌာနသို့ ပြောသည်။
ထို့အပြင်စစ်တပ် သည် ဒေသခံရခိုင်ပြည်သူများနှင့် အရပ် ဖက်အဖွဲ့အစည်းများ၏ အသံများကို လည်း မကြားဟန်ဆောင်နေကြောင်း ၄င်းက ဆက်လက်ပြောကြားသည်။
ယင်းပြင် လယ်ယာမြေ အငြင်းပွားမှု အပြင် လယ်ယာမြေလုပ်ပိုင်ခွင့် လက်မှတ် ပုံစံ ၇ အား မလျော်သြဇာသုံးပြီး သိမ်းယူထားမှုများ၊ အများပိုင် မြေများကို စီးပွားရေး လုပ်ငန်းရှင်များက လုပ်ကိုင်ခွင့် လျောက်ထားနေမှုများလည်း ရှိနေကြောင်း ယင်းအဖွဲ့၏ သုံးသပ်ချက်တွင် ဖော်ပြထားသည်။
ရခိုင်ပြည်နယ်ခရီးစဉ်တွင် လေ့ လာ တွေ့ရှိကြားမြင်ခဲ့ရသည့် အကြောင်း အရာများနှင့် သက်ဆိုင်သည့် သုံးသပ် တင်ပြချက်များကို ပြည်ထောင်စု အစိုးရ တပ်မတော်ကာကွယ်ရေး ဦးစီးချုပ်၊ ပြည်နယ်ဝန်ကြီးချုပ်နှင့် သက်ဆိုင်ရာဌာ နဆိုင်ရာ အသီးသီးသို့ တင်ပြသွားမည်ဟု ဆိုသည်။
ရခိုင်ပြည်နယ်တွင် လယ်ယာမြေသိမ်းဆည်းမှုကို ဆက်လက်လေ့လာစောင့်ကြည့် ကာ ဒေသခံပြည်သူများ၊ အရပ်ဖက်အဖွဲ့ အစည်းများ၊ နိုင်ငံရေးပါတီများနှင့် ပူးပေါင်းဆောင်ရွက်သွားမည်ဖြစ်ကြောင်း သိရသည်။
ကောင်းမြတ်နိုင်
Narinjara
https://www.facebook.com/pages/Narinjara