 |
| ဖမ်းဆီးခံရသူ သုံးဦးထဲမှာ နှစ်ဦးကို လွှတ်ပေးလိုက်ပါတယ်။ |
အင်းဒင်ကျေးရွာ သင်္ချိုင်းမှာ တူးဖော်တွေ့ရှိခဲ့တဲ့ အလောင်း ၁၀ လောင်းနဲ့ ပတ်သက်ပြီး ဖမ်းဆီးခံရသူ သုံးဦးထဲမှာ နှစ်ဦးကို လွှတ်ပေးလိုက်ပါတယ်။
ဒီအထဲက ကျန်နေတဲ့ ဆရာ ဦးအေးထွန်းကို ဇန်နဝါရီ ၁၂ ရက်မှာ ပုဒ်မ ၃၀၂/ ၃၄ လူသတ်မှုနဲ့ ရဲက တရားစွဲ ရုံးတင်ခဲ့တာလို့ သူ့အမှုကို လိုက်ပါ ဆောင်ရွက်နေတဲ့ ရှေ့နေ ဦးခင်ဝင်းက ဘီဘီစီကို ပြောပါ တယ်။
တရားစွဲ တင်ပေမယ့် သက်သေတွေ မရောက်တဲ့ အတွက် အမှုကို မစစ်ဖြစ်ဘူး လို့ဆိုပါတယ်။
 |
| ကျောင်းဆရာ ဦးအေးထွန်းကို ဆက်လက် စစ်ဆေးမယ် |
ဇန်နဝါရီ ၁၈ နဲ့ ၁၉ တရက်မှာတော့ ကျောင်းဆရာ ဦးအေးထွန်းကို ဆက်လက် ရုံးထုတ် စစ်ဆေးသွားမယ်လို့ ဆိုပါတယ်။
ဒီအမှုဟာ ၂၀၁၇ ခုနှစ် ဩဂုတ်လ ၂၅ ရက်က အင်းဒင်ရွာမှာ ရခိုင်အမျိုးသား ဦးမောင်နီ အသတ်ခံရပြီးတဲ့နောက် ပေါ်ပေါက်ခဲ့တဲ့ လူသတ်မှု ဖြစ်ပါတယ်။
 |
| တပ်မတော်သားတွေ၊ နယ်ခြားစောင့် တပ်ဖွဲ့ဝင်တွေ၊ ကျေးရွာသားတွေ၊ ဌာနဆိုင်ရာ ဝန်ထမ်းတွေကို ခေါ်စစ် |
သတ်ဖြတ်ခံရသူ တွေဟာ ဆူပူမှုပါဝင်တဲ့ အကြမ်းဖက် သမားတွေ ဖြစ်ကြပြီး လွန်ခဲ့တဲ့နှစ် စက်တင်ဘာလ ၁ ရက်က လက်ရ ဖမ်းဆီးမိပြီးနောက် လုံခြုံရေး တပ်ဖွဲ့ဝင်တွေနဲ့ ရွာသားအချို့ အသတ်ခံရတာလို့ တပ်မတော် သတင်းမှန် ပြန်ကြားရေး အဖွဲ့က ထုတ်ပြန်ထားပါတယ်။
BBC Burmese
http://www.bbc.com/burmese