 |
| (နမူနာပုံဖြစ်ပါသည်) |
ကရင်ပြည်နယ်၊ ကော့ကရိတ်မြို့နယ်တွင် ဇွန်လ ၈ရက်နေ့ နံနက်ပိုင်းက တစ်နှစ်ခန့်ကွဲ
ကွာနေသော ဇနီးဖြစ်သူကို ပြန်လည်ပေါင်းသင်းရန် သွားရောက်ပြောသည်ကို လက်မခံ
၍ ''နင့်ကိုငါသတ်မည်''ဟု ခြိမ်းခြောက်ပြောဆိုပြီး အသင့်ယူဆောင်လာသော လက်လုပ်မိုင်းဖြင့်ရှော့တိုက်ဖောက်ခွဲရာက နှစ်ဦးစလုံးဒဏ်ရာများ ရရှိခဲ့ကြောင်း သတင်းရရှိသည်။
ဖြစ်စဉ်မှာ ဇွန်လ ၈ ရက်နေ့နံနက် ၁နာရီ အချိန်ခန့် ကော့ကရိတ်မြို့နယ်၊ တတန်ကူးကျေးရွာအုပ်စု၊ဆင်ကုန်းကျေးရွာနေ တင်ဝင်းအောင်၊ (၂၅-နှစ်)သည် လွန်ခဲ့သည့် တစ်နှစ် ခန့်က လင်မယားခြင်းစကားများပြီး ကွဲကွာနေသည့် ဇနီးဖြစ်သူ မစန္ဒာလင်း၊(၂၅-နှစ်)နန်းကော်တိုးကျေးရွာ၊ ကော့ကရိတ်မြို့နယ် နေထိုင်သူအား ပြန်လည်ပေါင်းသင်းရန်အတွက်သွားရောက်ခေါ်ယူခဲ့ရာ ဇနီးဖြစ်သူက မပေါင်းသင်းနိုင်ကြောင်း ပြန်လည်ပြောကြားခဲ့သဖြင့်တင်ဝင်းအောင်မှ ဇနီးဖြစ်သူအား ''နင့်ကိုငါသတ်မည်''ဟုခြိမ်းခြောက်ပြောဆိုကာ အသင့်ပါလာသော အရှည်ခြောက်လက်မခန့်၊ လုံးပတ်တစ်ကျပ်လုံးခန့်ရှိ RCကော်ပိုက်အတွင်းယမ်းနှင့် ကေဗွီကြေးကြိုးအပိုင်းအစများရောနှောထည့်ကာ ဓာတ်ခဲအသေးသုံးလုံးဖြင့် ဖြူးတပ်၍ ရှော့တိုက်ရာမှ ၎င်းတို့နှစ်ဦးအနီးတွင် ပေါက်ကွဲသွားခဲ့ပြီး အဆိုပါပေါက်ကွဲမှုကြောင့်တင်ဝင်းအောင်တွင် ယာလက်ပေါက်ပြဲ စုတ်ပြတ်၊ ဝဲလက်ချောင်းများ ပြတ်ရှ(မစိုးရိမ်ရ)ဒဏ်ရာများရရှိ၍ မစန္ဒာလင်းတွင် ယာပေါင်ပေါက်ပြဲ၊ ရင်ဘတ်ပေါက်ပြဲ(မစိုးရိမ်ရ)ဒဏ်ရာများအသီး သီးရရှိခဲ့ခြင်းဖြစ်သည်။
အဆိုပါဖြစ်စဉ်အား ကော့ကရိတ်ခရိုင်ရဲတပ်ဖွဲ့မှူး ဒုတိယရဲမှူးကြီး လင်းထွဋ်မြင့်အနီးကပ်ကြပ်တ်၍ မြို့နယ်ရဲတပ်ဖွဲ့မှူး၊ စခန်းမှူးတို့ ပါဝင်သော ရဲတပ်ဖွဲ့ဝင်များ၊ အမှတ်(၉၁၅) စစ်မြေပြင်အင်ဂျင်နီယာတပ်၊ တပ်ခွဲ(၃)မှဗိုလ်ကြီး အောင်ဖြိုးဦးစီးသည့် တပ်မတော်သားများ၊ ကျေးရွာအုပ်ချုပ်ရေးအဖွဲ့များပါဝင်သော ပူးပေါင်းအဖွဲ့တို့မှ အခင်းဖြစ်နေရာအားအသေးစိတ် စစ်ဆေးကာ ဒဏ်ရာရရှိသူနှစ်ဦးကို မှုခင်းဆေးစာဖြင့် ကော့ကရိတ်ဆေးရုံကြီးသို့ ပို့ဆောင်ထားကြောင်း သိရသည်။
ဖြစ်စဉ်နှင့်ပတ်သက်၍ တင်ဝင်းအောင်အား ကော့ကရိတ်မြို့မရဲစခန်း အမှုဖွင့်အရေးယူ
ထားကြောင်း သတင်းရရှိသည်။
မင်းသူ(ဘားအံသတင်း)
ဘားအံသတင်း
https://www.facebook.com/Hpaannews.kayin/