ရှားတောဆိုသည့်အမည်က ပြီးခဲ့သည့် လပိုင်း မတိုင်မီထိ ကျွန်တော့်အတွက် ရင်းရင်းနှီးနှီး သိပ်မရှိလှ။ သြဂုတ်အစောပိုင်းတုန်းက သမ္မတရုံးဝန်ကြီး ဦးအောင်မင်းတစ်ယောက် ရှားတောတွင်ရွေးကောက်ပွဲဝင်မည်ဟု ကြေညာခဲ့ရာမှ ရှားတောကို စ၍ စိတ်ဝင်စားခဲ့သည်။

အင်တာနက်ပေါ်လှန်လှော ရှာပြန်တော့လည်း သတင်းအ ချက်အလက်များများ မရခဲ့။ အွန်လိုင်းစွယ်စုံကျမ်းဝီကီပီးဒီးယားတွင်မူ ‘‘ရှားတောမြို့သည် ကယားပြည်နယ်အတွင်းမှ မြို့ဖြစ်ပြီးမြန်မာပြည်အရှေ့ပိုင်းတွင် တည်ရှိ သည်’’ဟု ခပ်တိုတို ရေးထား သည့် စာတစ်ကြောင်းသာ တွေ့ရ သည်။

သို့ဖြင့် ရွေးကောက်ပွဲအပြီး နှစ်ရက်အကြာ နိုဝင်ဘာ ၁၀ ရက်တွင် မိတ်ဆွေအချို့၏အကူ အညီဖြင့် အခြားသတင်းသမား များနှင့်အတူ ရှားတောသို့ သွားရန် အခွင့်အရေးတစ်ခုရခဲ့သည်။

ခရီးလမ်းက နိုင်ငံအရှေ့ပိုင်း ကယားပြည်နယ်၏မြို့တော်လွိုင် ကော်မှ အရှေ့တည့်တည့်သို့ ကားဖြင့် သုံးနာရီသာသာ သွားရမည်။

လမ်းက ရှမ်းကုန်းပြင်မြင့်နှင့် ဆက်နေသည့် အရှေ့ဘက် တောင်တန်းကြီးပေါ်တွင် ဖောက် လုပ်ထားပြီး အချို့တောင်ကုန်း များက ပုပ္ပားတောင်ထက်ပင် မြင့် မား သည်။ တောင်များ၏အမြင့်က ပင်လယ်ရေ မျက်နှာပြင်ထက် အမြင့်ပေ ၃,၀၀၀ မှ ၆,၀၀၀ လောက်အထိ မြင့်ပြီး မိုးပေါ်ထိုး ထွက်နေသည်။

အကွေ့အကောက်ပေါင်း များစွာကို ကျော်ဖြတ်ပြီး နောက် ဆုံးတွင် တောင်တန်းများအကြားရှိ မြေပြန့်လွင်ပြင်ပေါ် မြို့တည်ထားသည့် ရှားတောသို့ရောက်ရှိခဲ့ပြီဖြစ်သည်။

မြို့ထဲတွင်တော့ ဒူးခါင်း၌ ကြိုးများပတ်ထားပြီး ရောင်စုံဆွဲ ပုတီးများဆွဲထားသည့် ဒူးကြီး အမျိုးသမီးများ၊ ကယား၊ ကယန်း လူမျိုးများ၊ ရှမ်းနှင့် ကရင်နွယ်ဖွားများက မြို့တွင်းလမ်းမများပေါ် ဥဒဟို သွားလာနေကြသည်။

 မျိုးနွယ်စုများ၊ အသားအ ရောင်များနှင့် ဘာသာစကားကွဲ ပြားမှုများဖြင့် ပြည့်နေသည့်ရှား တောတွင် တူညီသည့် အရာတစ်ခု တော့ရှိသည်။ ထိုသည်က မြို့အ  ဝင်လမ်းမပေါ်တွင် ဖွင့်လှစ်ထား သည့် ပရဟိတဆေးခန်းအပေါ် သဘောထားပင်ဖြစ်သည်။

အဖြူရောင်အဝိုင်းပေါ်တွင် ကြက်ခြေနီတံဆိပ်တစ်ခုရိုက်နှိပ် ထားပြီး ‘ပရဟိတ’ဟုအမည်ပေး ထားသည့် ဆေးခန်းက ဒေသခံများအကြားတွင် နာမည်ကောင်းဖြင့် ကျော်ကြားသည့် ဆေးခန်းတစ်ခု ဖြစ်သည်။

ဆိုင်းဘုတ်၏ အောက်နား တွင် ရေးထားသည်က ‘‘အခမဲ့ ဆေးကုခန်း’’၊ ‘‘မည်သူမဆို အခ မဲ့ကုသနိုင်သည်’’။ ဒေသခံတွေ နဲ့ စကားစမြည်ပြောကြည့်တော့ ဆေးခန်း၏မူဝါဒများက လူကြား ကောင်းရုံဟန်ပြ သက်သက်မ ဟုတ်ကြောင်း ပေါ်လွင်လာသည်။

သည်ဆေးခန်းပေါ်လာပုံက လည်း ပဟေဠိဆန်လှသည်။ မိုးဦး ကာလမှာ ရုတ်တရက် ထွက်ပေါ် လာသည့် မှိုပွင့်များလို ပြီးခဲ့သည့် ဇွန်လအတွင်းက ရှားတောမြို့ လယ်လမ်းမပေါ် ရုတ်တရက် ရောက်လာခြင်းဖြစ်သည်။

ရှားတောမရောက်ခင်တုန်း ကပြီးခဲ့သည့် ရက်ပိုင်းအတွင်း ပြီး ဆုံးသွားသည့်ရွေးကောက်ပွဲ၊ ရှေး ခေတ်ရိုးရာအဝတ်အစားများ ဆင် မြန်းနေဆဲဖြစ်သည့်ဌာနေတိုင်း ရင်းသားများနှင့် ပြည်တွင်းငြိမ်း ချမ်းရေးအကြောင်းရေးဖို့ တေးထားခဲ့သည့် ကျွန်တော့်စိတ်ကူး များကိုဖုံးလွှမ်းသွားသည်က ပရ ဟိတဆေးခန်း။

၂၀၁၄ သန်းခေါင်စာရင်း အရ လူဦးရေ ၇,၀၀၀ ကျော်ရှိ သော်လည်း လေးပုံသုံးပုံမှာ ကျေး လက်ဒေသများတွင် အခြေချနေထိုင်သည့် ရှားတောကဲ့သို့ နယ် မြို့လေးတွင် အားအကိုးရဆုံး ဆေးခန်းလေးအကြောင်း စနည်း နာဖို့ ကြိုးစားတော့သည်။

ပထမဆုံး ခြေလှမ်းအဖြစ် ဆေးခန်း၏ဘေးတွင် ဖွင့်ထား သော စားသောက်ဆိုင်၌ ဆေးခန်း အကြောင်း တီးခေါက်ကြည့်သည်။ နယ်မြို့များတွင် သတင်းစကားအစုံလင်ဆုံးက ဈေးဆိုင်များပင် မဟုတ်ပါလော။

ဈေးဆိုင်ပိုင်ရှင်က ရှားတော မြို့နယ် ပြည်နယ်လွှတ်တော်အ မတ်အဖြစ် ဝင်ရောက်ယှဉ်ပြိုင်ခဲ့ သူ။ ဆိုင်ပိုင်ရှင် ဦးစိုင်းအုန်းမြင့်နှင့် မိနစ်အတော်ကြာ စကားပြော ကြည့်တော့ သူကလည်း ဆေးခန်း အပေါ် ပေးသည့်အမှတ်က ရာနှုန်း ပြည့်နီးပါးအကောင်းချည်း။

သူကိုယ်တိုင် ဆေးဝါးကုသ မှု မခံယူဖူးသော်လည်း ကြုံဖူးသမျှထဲတွင် ဝန်ဆောင်မှုအကောင်း ဆုံး ဆေးကုခန်းဟု ချီးကျူးသည်။

‘‘ဆေးဖိုး၊ ဆရာဝန်အားလုံး အလကားကို ကုပေးတာ။ ၂၄ နာရီပတ်လုံးကြိုက်တဲ့အချိန် လာကုရ တယ်။ အနီးအနားရွာတွေက လာ ပင့်ရင်လည်း အချိန်မရွေးလိုက် ပေးတယ်’’

ဆေးကုသစရိတ်၊ ဆေးဖိုး ဝါးခ ဘာတစ်ခုမျှ မကုန်။ ရာနှုန်း ပြည့်အခမဲ့ဖြစ်သောကြောင့် အချိန်တိုအတွင်း လူသိများလာ သည့်အကြောင်းလည်း ‘ပရဟိတ’ ဆေးခန်းနှင့် ခြံစည်းရိုးတစ်ခုသာ ခြားသည့် အိမ်၌ နေထိုင်သည့် ဦးစိုင်းအုန်းမြင့်က ပြောသည်။

‘ပရဟိတ’ဆေးခန်းမှာ ကု သ၍ ခဲယဉ်းပြီး ပိုမိုရှုပ်ထွေးသော ရောဂါခံစားနေရသူများအတွက် တော့ လွိုင်ကော်ဆေးရုံကို လွှဲပေး သည်။ လူနာကို ဆရာဝန်ကိုယ် တိုင် ရှားတောနှင့် မိုင် ၄၀ ကျော် ဝေးသည့် လွိုင်ကော်ဆေးရုံကို ပို့ ပေးသည်။ သည့်အတွက် ငွေကြေးတစ်ပြားတစ်ချပ်မှ မကုန်ကြောင်းဒေသခံတွေက ဆိုသည်။

သည်လိုနှင့် လူနာဒါဇင် ပေါင်းများစွာကို အသက်ဆက် အောင် ဆေးခန်းက ကူညီပေးခဲ့ သည်။ ဆေးခန်းထိုင်သည့်ဆရာ ဝန်ကလည်း ရန်ကုန်က အထူးကု ဆေးခန်းတွေမှာ တွေ့ရလေ့ရှိ သည့် အမြဲတမ်း အလုပ်များနေ သောဆရာဝန်များကဲ့သို့ လူနာကို ငါးမိနစ်လောက်သာ အချိန်ပေးသူ မဟုတ်။ ရည်မွန်ယဉ်ကျေးပြီး စိတ်ရှည်သူ။

တစ်သက်နှင့် တစ်ကိုယ်မ ကြုံဖူးသည့် အခမဲ့ကျန်းမာရေးဝန် ဆောင်မှုကြောင့် ‘ပရဟိတ’ဆေး ခန်းနာမည်ကြီးသွားပုံက မြို့နယ် ပြည်သူ့ဆေးရုံသို့ သွားပြလေ့ရှိ သည့် လူနာများကိုယ်တိုင် ဆေးရုံရှေ့ကျော်သွားကြပြီးနောက် တစ်လမ်းဆီဆက်လျှောက်ကာ ‘ပရ ဟိတ’ဆီ လာခဲ့ကြသည်။

ဆေးခန်းဆိုင်းဘုတ်၏ရှေ့ ပေအနည်းငယ်အကွာမှာ နောက် ထပ်ဆိုင်းဘုတ်တစ်ခုထပ်ရှိသေး သည်။

 ၂×၁ လက်မ တိုင်နှစ်တိုင်အကြားစိုက်ထားသည့် ဗီနိုင်းဆိုင်းဘုတ်ပေါ်တွင် ရေးထားသည်က ‘‘ဦးအောင်မင်း’’‘‘တစ်သီးပုဂ္ဂလ’’။ အဲဒီစာနှစ်ကြောင်းဘေးတွင် စပါး နှံကိုက်ချီပြီး ပျံသန်းနေသည့်ချိုး ငှက်တစ်ကောင်။

ဆိုင်းဘုတ်အပေါ်ပိုင်းတွင် တော့ တိုင်းရင်းသားလက်နက် ကိုင်အဖွဲ့ခေါင်းဆောင်များနှင့် ဦး အောင်မင်းတို့ တွဲရိုက်ထားသည့် ဓာတ်ပုံကို ဗီနိုင်းစပေါ်၌ ရိုက်နှိပ် ထားသည်။

  ဒေသခံများအကြားတွင် တော့ ထိုဆေးခန်းလေးသည် ဦးအောင်မင်းအကူအညီဖြင့် ဖွင့်ထားသောဆေးခန်းအဖြစ် လူသိ များသည်။

သမ္မတရုံးဝန်ကြီး ဦးအောင် မင်းက ရှားတောတွင် အမျိုးသား လွှတ်တော်ကိုယ်စားလှယ်အဖြစ် ၂၀၁၅ ရွေးကောက်ပွဲ၌ တစ်သီးပုဂ္ဂလ၀င်ရောက်ယှဉ်ပြိုင်ရန် စာ ရင်းပေးထားသူ ဖြစ်သည်။

ဒေသခံများ သဘောပေါက် ထားသည့် ကပရဟိတဆေးခန်း မှာ ရွေးကောက်ပွဲနှင့်မသက်ဆိုင်။ နိုဝင်ဘာ ၈ ရက်တွင် ရလဒ်မည်သို့ ထွက်စေကာမူ နာမကျန်းဖြစ်တိုင်း ဆေးခန်းလေးကတော့ ပုံမှန်ဆေး ၀ါးကုသမှုပေးမည်ဟု ယူဆထား ကြသည်။

ဦးအောင်မင်းစည်းရုံးရေး စဆင်းရန် ရှားတောသို့ရောက်လာ ချိန်တွင်တော့ ပရဟိတဆေးခန်း လေးဖွင့်ထားသည့် အိမ်မှာစ တည်းချသည်။

ဦးအောင်မင်း  မဲဆွယ်ရန် ရှားတောသို့ ရောက်ရှိချိန်တွင် ပရဟိတဆေးခန်းလေးသည် နောက်တစ်နေရာ ပြောင်းပြန်သည်။ ပိုမိုကျယ်ဝန်းပြီး လူနာများအတွက် သက်သောင့်သက်သာရှိလှသော နေရာသစ်ဆီသို့။ နေရာသစ်ကဦးအောင်မင်း စတည်းချသည့် အိမ်နှင့်ကပ်လျက်။

နေရာအပြောင်းအလဲ ဖြစ် ခဲ့သော်လည်း ဆေးခန်းလေးအ ပေါ် လူတွေအားကိုးယုံကြည်မှုက တော့ မပြောင်းလဲခဲ့ဟု ပတ်ဝန်း ကျင်ရှိ ဒေသခံများက ပြောသည်။ လူနာရှင်အချို့ အထင်လွဲမှုအချို့ ရှိခဲ့သည့်တိုင် ဆေးခန်းလေးအ ပေါ် လူထု၏အားကိုးမှုက လျော့ မသွားခဲ့။

သည်လိုနှင့် နေ့တွေ၊ ရက် တွေကြာလာပြီး နိုဝင်ဘာ ၈ ရက် ဆီ ရောက်လာခဲ့သည်။ သမိုင်း ၀င်ရွေးကောက်ပွဲ မဲထည့်မည့် သူ များကလည်း ပရဟိတဆေးခန်း လေး ရှေ့က ဖြတ်သန်းပြီး မဲရုံဆီ သွားခဲ့ကြသည်။

မဲရုံတွင် အနီကို ထောက်ခံသူများရှိသကဲ့သို့ အစိမ်းကို ထောက်ခံသူများလည်း ရှိသည်။ ငြိမ်းချမ်းရေးဝန်ကြီးဟု ဒေသခံများ ကြားနာမည်ကြီးသည့် ဦးအောင်မင်း၏ အမည်ဘေးတွင် ထောက်ခံမဲရိုက်နှိပ်သူများရှိသလို လူမျိုးစုပါတီများမှ အမတ်လောင်းများကို အားပေးသူများလည်း ရှိခဲ့သည်။

မဲပေးသည့်နေ့က ရှားတော သည်လည်း မြန်မာနိုင်ငံတွင်းရှိ အခြားမြို့များလိုပင်။ လုပ်ငန်းခွင် ကိုယ်စီဝင်ကြသူများလည်း ရှိ သလို ရွေးကောက်ပွဲအကြောင်း စောင့်ကြည့်ဟောကိန်းထုတ်သူ များလည်း ရှိခဲ့သည်။

ဒေသခံများကြားတွင်တော့ အနိုင်၊ အရှုံးက ခန့်မှန်းရခက် နေဆဲ။ ဦးအောင်မင်းသည် အစိုးရအဖွဲ့အတွင်းမှ ထိပ်တန်းဝန်ကြီး တစ်ဦးဖြစ်ပြီး ပြည်ထောင်စုကြံ့ ခိုင်ရေးနှင့် ဖွံ့ဖြိုးရေးပါတီထိပ် ပိုင်း ခေါင်းဆောင်များက သဘောမတူသည့်တိုင် ရွေးကောက်ပွဲဝင် ရန် ရှားတောသို့ အရောက်လာခဲ့ သူဖြစ်သောကြောင့် အနိုင်ရနိုင် သည့် စာရင်းတွင် ထိပ်ဆုံးက ပြေးခဲ့သည်။
ထို့အပြင် ၂၀၁၀ ရွေး ကောက်ပွဲတွင် အနိုင်ရခဲ့သော ပြည်ထောင်စုကြံ့ခိုင်ရေးနှင့် ဖွံ့ ဖြိုးရေးပါတီမှ ဦးဌေးရယ်သည် လည်း အဆိုပါဒေသတွင် အရှိန် အ၀ါကြီးသူတစ်ဦး ဖြစ်ခဲ့သည်။

အခြား ပြိုင်ဘက်များဖြစ် သော ကယားလူမျိုးစုဒီမိုကရေစီ ပါတီနှင့် လူမျိုးပေါင်းစုံဒီမိုကရေစီ ပါတီ(ကယားပြည်နယ်)မှ ကိုယ် စားလှယ်များသည်လည်း ၎င်းတို့ နှစ်ဦးကို စိန်ခေါ်နိုင်သည့်စွမ်းရည် ကိုယ်စီရှိကြသည်။

အခြားတစ်ဦးက အမျိုးသားဒီမိုကရေစီအဖွဲ့ချုပ်မှ ဦးအောင် ကျော်စိုး။

ရှားတောရှိ မဲရုံများမှ မဲများ ကို ကနဦးရေတွက်နေချိန်အထိ အဖြူ၊ အမည်း မသဲကွဲသေး။ သို့သော်လည်း အခြေအနေအ ကောင်းဆုံးက ဦးအောင်မင်းနှင့် အမျိုး သားဒီမိုကရေစီအဖွဲ့ချုပ်မှ ဦးအောင်ကျော်စိုးတို့ ဖြစ်သည်။

သည်လိုဖြင့် ရွေးကောက်ပွဲအပြီး နောက်နှစ်ရက်အကြာ နိုဝင်ဘာ ၁၀ ရက်တွင်တော့ အနိုင်၊  အရှုံးရလဒ်ကို ပြည်နယ်ရွေးကောက်ပွဲကော်မရှင်က အတည်ပြုပေးခဲ့ သည်။ အနိုင်ရသူက ဒေသခံများ အကြား ‘‘ဆယ်ဘူးထူး ဖရေး’’ပါ တီမှဟု လူသိများသည့် ဦးအောင် ကျော်စိုးပင် ဖြစ်သည်။

ရှားတောတွင် အမျိုးသားဒီ မိုကရေစီအဖွဲ့ချုပ်ကို ကယန်းတိုင်း ရင်းသားများက ‘‘ဆယ်ဘူးထူးဖရေး’’ ဟု သိကြသည်။ အဓိပ္ပာယ်က ‘‘ကြယ်ဖြူနှင့် ခွပ်ဒေါင်း’’။

နိုင်ငံရေး အကျဉ်းသား ဟောင်းနှင့် ကျောင်းသားတော် လှန်ရေးအဖွဲ့ဝင်ဟောင်း ဦး အောင်ကျော်စိုးသည် ဦးအောင် မင်းကို မဲနှစ်ဆနီးပါး အသာရကာ အနိုင်ရခဲ့ခြင်း ဖြစ်သည်။

ထိုနေ့တွင် ရှားတောကို ရောက်တော့ ဦးအောင်မင်းတည်း ခိုခဲ့သည့် အိမ်ကတံခါးပိတ်လျက် သားခြံထဲတွင် တပ်ထားသည့် စ ကိုင်းနက်ရုပ်သံဖမ်းစက်နှင့် အင် တာနက်အသုံးပြုနိုင်သည့် ဖုန်း လိုင်းတစ်ခုကို လူငယ်အချို့က ဖြုတ်သိမ်းလျက် ရှိသည်။

ဦးအောင်မင်း စတည်းချ ခဲ့သည့် အိမ်ဘေးသို့ ပြောင်းလဲဖွင့် လှစ်ထားသည့် ဆေးခန်းသည်လည်း ရွေးကောက်ပွဲ ရလဒ်ထွက် လာပြီးသည့်နောက် ကုသမှုများရုတ်တရက် ရပ်ဆိုင်းသွားခဲ့သည်။ ဆေးခန်းမှ ဆရာဝန်သည်လည်း ဦးအောင်မင်းနှင့် မရှေးမနှောင်း ရှားတောမှ ထွက်သွားခဲ့သည်။

ရှားတောမှ ပရဟိတဆေး ခန်းအကြောင်းကို ၀န်ကြီး ဦးအောင်မင်းနှင့် နိုဝင်ဘာ ၁၇ ရက်က နေ ပြည်တော်တွင် တွေ့ဆုံခိုက်မေး မြန်းရန် ကြိုးပမ်းခဲ့သော်လည်း မေးမြန်းခွင့်မရခဲ့ပါ။ ရှားတောတွင် ထိုဆေးခန်း၏သက်တမ်း မှာ ငါးလကျော်သာ ကြာမြင့်ခဲ့ပါ သည်။

‘‘ကျွန်တော်တို့ သဘော ပေါက်ထားတာက ရွေးကောက် ပွဲ ရလဒ်ဘယ်လိုဖြစ်ဖြစ် ဆေးခန်း က နောက်ခြောက်လအထိ ရှိနေ မယ်လို့ပဲ’’ဟု ရှားတောဒေသခံ တစ်ဦးက ပြောသည်။

ရွေးကောက်ပွဲ ရလဒ်အတည်ဖြစ်ခဲ့သည့် နိုဝင်ဘာ ၁၀ ရက် ညနေတွင် ဖျားနာနေသော ကလေးငယ်ကို ရင်ဝယ်ပိုက်ထားပြီး ဆေးခန်းမဖွင့်တော့သောကြောင့် စိတ်ပျက်လက်ပျက်ပြန်လာသည့် အမျိုးသမီးတစ်ဦးနှင့် ဆုံခဲ့ရသည်။

‘‘ဆေးခန်းက နောက်နှစ် ပတ်လောက်မှ ပြန်ဖွင့်မယ်ပြော တယ်’’ဟု အဆိုပါ အမျိုးသမီးက ပြောသည်။

ယခုတော့ ရှားတောတွင် နာမည်ကောင်းဖြင့် ကျော်ကြား သည့် ‘ပရဟိတက’ဆေးခန်း လေးသည် ပါးစပ်ရာဇ၀င်အဖြစ် သာ ရှိတော့သည်။

ဆေးခန်းနှင့်ပတ်သက်၍ ကျန်ရစ်ခဲ့သည် တစ်ခုတည်းသော အရာဝတ္ထုပစ္စည်းက လူနာခုတင် ကို ကာထားသည့် လိုက်ကာလေး တစ်ချပ်သာ။