ထိုင်းနိုင်ငံ ဒုက္ခသည်စခန်း Umpiem Mai တွင် မွေးဖွားခဲ့သူ ကရင်တိုင်းရင်းသား အသက် ၁၈ နှစ်အရွယ် ကလယ်ဟဲကို အင်္ဂလန်ဘောလုံးကလပ် ရှက်ဖီးယူနိုက်တက် (Sheffield United) က သုံးကြိမ်ခြေစမ်းကစားစေအပြီး စာချုပ်ချုပ်ဆိုရန် ကမ်းလှမ်းခဲ့သည်။ ကလယ်ဟဲနှင့် မိသားစုသည် ယခင်က သြစတြေးလျနိုင်ငံသို့ ပြောင်းရွေ့နေထိုင်ရန်ကြိုးပမ်းခဲ့ဖူးသော်လည်း မအောင်မြင်ခဲ့ချေ။ ဒုက္ခသည်စခန်းတွင်သာ ဘ၀ကို အဆုံးသတ်ရမည့် အခြေအနေဖြစ်သည်။
“ဘယ်မှထွက်လို့မရဘူးဗျ။ ထိုင်းနိုင်ငံထဲဝင်သွားဖို့ဆိုတာလဲ ဘယ်သူ့မှာမှ ပက်စပို့ မရှိတော့ သာမန်လူတယောက်လို သွားလာလို့မရဘူး”ဟု ကလဲဟဲက ပြောသည်။
သို့သော် ၂၀၀၆ ခု ကံကြမ္မာ အလှည့်အပြောင်းကြောင့် ကုလသမဂ္ဂ၏အစီအစဉ်တခုဖြင့် ကလယ်ဟဲတို့ မိသားစုဝင် ၆ ဦး ရှက်ဖီးသို့ ပြောင်းရွှေ့နေထိုင်ခွင့် ရခဲ့သည်။
ဘာသာစကားအခက်အခဲကြောင့် ဘောလုံးအားကစားသည်သာ သူ့အတွက် ကွန်းခိုရာဖြစ်ခဲ့သည်။ ကျောင်းဘောလုံးအသင်းများနှင့် တနင်္ဂနွေ အပျော်တမ်းလိဂ်ပွဲများတွင် ၀င်ရောက်ကစားခဲ့သည်။ ထိုစဉ် သူငယ်ချင်းများက ဘောလုံးသမား Kyle Walker ကို အင်္ဂလန်လက်ရွေးစဉ်ကစားသမားဖြစ်စေခဲ့သော Football Unites Racism Divides (ဘောလုံးသည် စည်းလုံးညီညွတ်စေသည်၊ လူမျိုးရေးခွဲခြားခြင်းသည် သွေးကွဲစေသည်) ဆိုသည့်အဖွဲ့အကြောင်း ကလယ်ဟဲအား ပြောပြခဲ့သည်။ ထိုအဖွဲ့က စီစဉ်သည့်ပွဲများတွင် ၀င်ရောက်ကစားရာမှ သူ၏ခြေစွမ်းခြေစကို လူသိများလာသည်။
Walker ၏ ကြေးစားဘောလုံးသမားဘ၀ကို အစပြုခဲ့သော ရှက်ဖီးယူနိုက်တက်တွင် ခြေရည်စမ်းပွဲ ၂ ကြိမ်ကစားခဲ့သော်လည်း ထူးခြားမှုမရှိခဲ့ဘဲ တတိယအကြိမ်တွင်မှ ကလယ်ဟဲ၏ခြေစွမ်းကို နည်းပြများက သဘောကျနှစ်သက်သွားပြီး ကလပ်အသင်းဘောလုံးကျောင်းမှ ခေါ်ယူခဲ့ခြင်းဖြစ်သည်။
“တနေ့ ပရီးမီးယားလိဂ်မှာ ကစားချင်ပါတယ်။ လတ်တလောရည်မှန်းချက်ကတော့ မန်နေဂျာ နိုက်ဂျဲအက်ကင်နဲ့ ၂၁ နှစ်အောက်နည်းပြ ခရစ်မော်ဂန် တို့ သဘောကျဖို့နဲ့ ကျွန်တော့်ကို ယုံကြည်တဲ့ ရှက်ဖီးအသင်းကို ကျေးဇူးပြန်ဆပ်ဖို့ပါပဲ”ဟု ကလယ်ဟဲ က ပြောသည်။
“ဒါပေမဲ့ ကျွန်တော်ဟာ ရည်မှန်းချက်ကြီးတဲ့ ကစားသမားတယောက်ပါ။ တနေ့ နိုင်ငံတကာအဆင့်ပြိုင်ပွဲတွေမှာ မြန်မာအသင်း (သို့) ထိုင်းအသင်း ရဲ့ အသင်းခေါင်းဆောင်အဖြစ်နဲ့ ကိုယ်စားပြုကစားချင်တဲ့ဆန္ဒရှိပြီး တချိန်တည်းမှာပဲ အဆင့်အမြင့်ဆုံးဖြစ်တဲ့ ပရီးမီးယားလိဂ်နဲ့ ချန်ပီယံလိဂ်ပြိုင်ပွဲတွေမှာလည်း ကစားချင်ပါတယ်”
ကလယ်ဟဲသည် ဘောလုံးစွမ်းရည်ပြည့်ဝသော တောင်ပံကစားသမားတဦးဖြစ်ပြီး ရှက်ဖီးယူနိုက်တက် အသက် ၂၁ နှစ်အောက်အသင်းတွင် ယခုနှစ်မှစ၍ ပါဝင်ကစားမည်ဖြစ်ကြောင်း အသင်းကြီးတွင် ကစားခွင့်ရရေးကြိုးပမ်းသွားမည်ဖြစ်ကြောင်း သိရသည်။ ရှက်ဖီးယူနိုက်တက်သည် ယမန်နှစ် လိဂ်ဖလားပွဲတွင် ဆီမီးဖိုင်နယ်အဆင့်သို့ တက်ရောက်နိုင်ခဲ့သည့် ဖြစ်သည်။
“ဒီဘောလုံးကျောင်းမှာကိုပဲ တဆင့်ပြီးတဆင့် တက်သွားနိုင်ဖို့ဆိုတာ အင်မတန်ခက်ခဲပါတယ်။ ကလယ်ဟဲက ဘာသာစကားအခက်အခဲနဲ့ ယဉ်ကျေးမှုအပြောင်းအလဲတွေကြားထဲက ဒီအဆင့်ကို ကျော်ဖြတ်နိုင်ခဲ့ပြီ။ ဒီကလပ်မှာ အခုလို ကြေးစားဘောလုံးသမားစာချုပ် ချုပ်ဖို့ ကမ်းလှမ်းခံရတာ တကယ့်ထူးခြားတဲ့ အောင်မြင်မှုတခုပါပဲ”ဟု ရှက်ဖီးဘောလုံးကျောင်း မန်နေဂျာ နစ်ကော့စ် က ပြောသည်။
ဗြိတိသျှပတ်စပို့ကိုင်ဆောင်ထားသူ ကလယ်ဟဲသည် ဆွေမျိုးသားချင်းများနှင့် ဒုက္ခသည်စခန်းမှ သူငယ်ချင်းများထံ လည်ပတ်ရန် ၂၀၁၂ က ထိုင်းနိုင်ငံသို့ တခေါက်ပြန်ခဲ့သေးသည်။ Umpiem Mai စခန်းတွင် နေထိုင်သူ ဒုက္ခသည် ၁၃၀၀၀ ခန့်ရှိသည်။ ပရီးမီးယားလိဂ်ကို ရှုးသွပ်ကြသော မိမိဇာတိမှပြည်သူများက၎င်းတို့၏ နိုင်ငံသားတဦး၊ တိုင်းရင်းသားတဦး ပရီးမီးယားလိဂ်တွင်ကစားသည်ကို မြင်တွေ့လိုကြသော မျှော်လင့်ချက်ကို ထမ်းရွက်ထားရသည်ကို ၀မ်းသာဂုဏ်ယူကြောင်း ၎င်းက ပြောသည်။
“ကျွန်တော်ဟာ ကိုယ့်ကိုကိုယ်ရော၊ မိသားစု နဲ့ မိတ်ဆွေတွေကိုရော၊ မြန်မာနဲ့ထိုင်းက လူတွေအားလုံးကို ကိုယ်စားပြုနေတယ်ဆိုတာ ကျွန်တော်သိပါတယ်။ ကျွန်တော်ဟာ စံပြကောင်းတယောက်ဖြစ်ချင်ပါတယ်။ ဒုက္ခသည်စခန်းရဲ့အပြင်ဘက်မှာ ဘ၀မျှော်လင့်ချက်တွေရှိနေသေးတယ်ဆိုတဲ့ မျှော်လင့်ချက်သင်္ကေတတခုလို ဖြစ်ချင်တယ်”ဟု ကလယ်ဟဲက ပြောသည်။
ရည်ညွှန်း - ဂါးဒီးယန်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal