တူရကီ စီးပွားရေး ထင်မှတ်ထားသည်ထက် ပိုမိုထိခိုက်စေသည့် ရုရှားအစိုးရ၏ ပိတ်ဆို့မှု

< သင်းအောင် >

ရုရှားနှင့် တူရကီနိုင်ငံများ အကြား ဆက်ဆံရေး တင်းမာမှု၏ နောက်ဆက်တွဲ အကျိုးဆက်အဖြစ် ထွက်ပေါ်လာ ခဲ့သည့် ရုရှားအစိုးရ၏ စီးပွားရေး ပိတ်ဆို့မှုသည် ယခုအခါ တူရကီနိုင်ငံ၏ စီးပွားရေးကို ထင်ထားသည်ထက် ပို၍ အထိနာလျက် ရှိသည်။

ရုရှားနိုင်ငံ၏ စီးပွားရေး ပိတ်ဆို့မှုကြောင့် တူရကီနိုင်ငံသည် တစ်နှစ်လျှင် အမေရိကန် ဒေါ်လာ ၁၂ ဘီလီယံကျော် ဆုံးရှုံးနေပြီး ယင်းပမာဏမှာ တူရကီအစိုးရမှ ခန့်မှန်းထားသည့် ပမာဏထက် လေးဆပိုမို များပြားလျက် ရှိသည်။ နှစ်နိုင်ငံ ဆက်ဆံရေး ကောင်းမွန်စဉ် က ရုရှားနိုင်ငံသည် တူရကီနိုင်ငံမှ အသီးအနှံနှင့် ဟင်းသီးဟင်းရွက် ၆ဝ ရာခိုင်နှုန်းကို ဝယ်ယူခဲ့ သော်လည်း စီးပွားရေး ပိတ်ဆို့ခဲ့ပြီး နောက် ရုရှား အစိုးရသည် အဆိုပါ အသီးအနှံ နှင့် ဟင်းသီးဟင်းရွက် များ တင်သွင်းခြင်းကို ရပ်တန့်လိုက်ရုံ သာမက တူရကီ စားသောက်ကုန် ပစ္စည်းတင်သွင်းမှု ကိုပါ တားမြစ်လိုက်ရာ တူရကီအစိုးရ အဖို့ နိုင်ငံဘဏ္ဍာ အဖြစ် အမေရိကန် ဒေါ်လာ ၇၆၄ သန်းခန့် နစ်နာခဲ့ရသည် ဟု တူရကီ စိုက်ပျိုးရေး ဝန်ကြီးက ပြောသည်။

ထို့ပြင် ရုရှားအစိုးရသည် ၄င်းတို့၏ နိုင်ငံသားများအား တူရကီနိုင်ငံ သို့ အပျော်ခရီး သွားရောက်ခြင်း ကို ပိတ်ပင်လိုက်ခြင်း ကြောင့် ခရီးသွားလာရေး လုပ်ငန်းအပေါ် အမှီသဟဲ ပြုနေရသည့် တူရကီနိုင်ငံ အတွင်းရှိ ဈေးဆိုင်များ၊ အငှား ယာဉ်မောင်းများ၊ လမ်းဘေး ဈေးသည်များမှာ အခက်အခဲများ နှင့်ကြုံတွေ့ ခဲ့ရပြီး ဈေးဆိုင် အများအပြားမှာ ပိတ်ပစ်ရသည် အထိ အခြေအနေ ဆိုးရွားခဲ့ကြောင်း တူရကီ စီးပွားရေး လုပ်ငန်းရှင် ဇေဖာဆွိုင်းလူ က ပြောခဲ့သည်။ နှစ်နိုင်ငံ ဆက်ဆံရေး ကောင်းမွန်ခဲ့သည့် ၂ဝ၁၄ ခုနှစ် တစ်နှစ် အတွင်းမှာပင် တူရကီနိုင်ငံ သို့ ရုရှားခရီးသည် ၄ ဒသမ ၅ သန်း ဝင်ရောက် လာခဲ့ခြင်း ကြောင့် ခရီးသွား လုပ်ငန်းမှ နိုင်ငံအတွက် ပြည်ပဝင်ငွေ အမြောက်အမြား ရှာဖွေပေး နိုင်ခဲ့သည်။ သို့ရာတွင် ခရီးသွားလာခြင်း အပေါ် ရုရှားအစိုးရမှ ပိတ်ပင်လိုက် သဖြင့် တူရကီနိုင်ငံ အနေဖြင့် ယင်းလုပ်ငန်းမှ တစ်နှစ်လျှင် အမေရိကန် ဒေါ်လာ ၃ ဘီလီယံ ကျော် ဆုံးရှုံးခဲ့ရသည်။

တူရကီအစိုးရ အတွက် အဆိုးရွားဆုံး ထိခိုက်နစ်နာ စေသည့်ကဏ္ဍ တစ်ရပ်မှာ ကုန်သွယ်ရေးနှင့် ဘဏ္ဍာရေး ကဏ္ဍဖြစ်ပြီး နိုင်ငံအပေါ် ချမှတ်ထားသည့် ရုရှား၏ စီးပွားရေး ပိတ်ဆို့မှုကြောင့် တူရကီနိုင်ငံ အနေဖြင့် အနည်းဆုံး တစ်နှစ်လျှင် အမေရိကန် ဒေါ်လာ ၄ ဒသမ ၄ ဘီလီယံ၊ အများဆုံး အမေရိကန် ဒေါ်လာ ၇ ဒသမ ၃ ဘီလီယံခန့် အထိ ဆုံးရှုံးနစ်နာ မည် ဖြစ်သည်။

တူရကီနိုင်ငံသည် ယခင်က ရုရှားနိုင်ငံ၏ အကြီးမားဆုံး ကုန်သွယ်ဖက် နိုင်ငံ တစ်နိုင်ငံအဖြစ် ရပ်တည်ခဲ့ပြီး တူရကီ အစိုးရသည် ၂ဝ၁၄ ခုနှစ်အတွင်း ရုရှားနိုင်ငံသို့ အမေရိကန်  ဒေါ်လာ ၅ ဒသမ ၉ ဘီလီယံ တန်ဖိုးရှိ ကုန်ပစ္စည်းများကို တင်ပို့ခဲ့ပြီး ယင်းနိုင်ငံမှ ကုန်ပစ္စည်း များကို အမေရိကန် ဒေါ်လာ ၂၅ ဒသမ ၂ ဘီလီယံခန့် အထိ ပြန်လည် တင်သွင်းခဲ့သည်။ ထို့ပြင် တူရကီနိုင်ငံ အနေဖြင့် ရုရှားနိုင်ငံနှင့် ကုန်သွယ်မှုကို ၂ဝ၂၃ ခုနှစ် အရောက်တွင် အမေရိကန် ဒေါ်လာ ၁ဝဝ ဘီလီယံအထိ တိုးမြှင့်ရန် ဆန္ဒရှိကြောင်း ၂ဝ၁၅ ခုနှစ် စက်တင်ဘာလ က ကျင်းပခဲ့သော နှစ်နိုင်ငံ သမ္မတများ အကြား ဆွေးနွေးပွဲတွင် ထုတ်ဖော်ပြောကြား ခဲ့သည်။ သို့သော် အဆိုပါ မျှော်လင့်ချက်မှာ ပျက်သုဉ်းသွား ခဲ့ပြီဖြစ်သည်။ တူရကီနိုင်ငံ သည် ရုရှားနိုင်ငံမှ ထွက်ရှိသည့် ဂျုံကို အများဆုံး ဝယ်ယူတင်သွင်း နေသည့်နိုင်ငံ ဖြစ်သောကြောင့် ယခုအခါ ၄င်းတို့အနေဖြင့် နိုင်ငံအတွင်း လိုအပ်သည့် ဂျုံများကို တခြားနိုင်ငံများမှ ဝယ်ယူ နေရပြီ ဖြစ်သည်။

ထိုမျှသာမက ရုရှားနိုင်ငံက စီးပွားရေး ပိတ်ဆို့လိုက်ပြီး နောက်တွင် တူရကီနိုင်ငံသို့ ၄င်းတို့ ယခင်က ပုံမှန် ပေးအပ်လျက် ရှိသည့် ဓာတ်ငွေ့များကို ရပ်ဆိုင်းလိုက်ရာ ယခုအခါ ရုရှားအစိုးရ၏ လုပ်ဆောင်ချက်မှာ တူရကီနိုင်ငံ ၏ စီးပွားရေးကို အကြီးအကျယ်  ခြိမ်းခြောက်မည့် အခြေအနေတွင် ရှိနေသည်။ ထို့ကြောင့် တူရကီ အစိုးရမှာ လောင်စာအတွက် တည်ငြိမ်မှု ပျက်ပြားနေပြီး ဝေးကွာသည့် နိုင်ငံများမှ စွန့်စွန့်စားစား ဖြင့် ဝယ်ယူရန် စဉ်းစားနေရပြီ ဖြစ်သည်။ အလားတူ ရုရှားအစိုးရက ချမှတ်ထားသော စီးပွားရေး ပိတ်ဆို့မှုအရ ရုရှားနိုင်ငံအတွင်း ရှိ တူရကီကုမ္ပဏီများ အနေဖြင့် လုပ်ငန်း လည်ပတ်ခွင့် သာမက သယ်ယူ ပို့ဆောင်ခွင့် များပါ ပိတ်ပင်ခံရပြီး တူရကီပိုင် သင်္ဘော များမှာလည်း ရုရှားသင်္ဘောဆိပ် နှင့်ဆိပ်ကမ်း များသို့ ဆိုက်ကပ်ခွင့် ဆုံးရှုံးခဲ့ရပြီး ဖြစ်သည်။

တူရကီနိုင်ငံ အတွက် ရတက်မအေး စေသည့် နောက်တစ်ချက်မှာ ရုရှားနိုင်ငံ အတွင်းရှိ တူရကီ လုပ်သားများ အရေးပင် ဖြစ်သည်။ ရုရှားသမ္မတ ဗလာဒီမာပူတင် က နိုင်ငံအတွင်းရှိ စီးပွားရေး လုပ်ငန်းများ၊ စားသောက်ကုန် လုပ်ငန်းများနှင့် ဆောက်လုပ်ရေး လုပ်ငန်းများ တွင် တူရကီ နိုင်ငံသားများအား အလုပ် ခန့်အပ်ခြင်းမှ တားမြစ် လိုက်သောကြောင့် ၄င်းနိုင်ငံအတွင်းရှိ တူရကီ အလုပ်သမား များနှင့် ၄င်းတို့အပေါ် မှီခိုနေရသည့် မိသားစုဝင် များမှာ အလုပ်လက်မဲ့ ဖြစ်ခဲ့ရသည်။ သို့ရာတွင် ရုရှားစီးပွားရေး လုပ်ငန်းများသည် ၄င်းတို့ လိုအပ်သည့် လုပ်သား အင်အားစုများကို ဗဟိုအာရှနှင့် ယခင် ဆိုဗီယက် ပြည်ထောင်စု ဟောင်းနိုင်ငံများမှ အလွယ်တကူ ရရှိနိုင်သော

ကြောင့် ပူတင်အစိုးရ၏ အဆိုပါ လုပ်ဆောင်ချက် သည် တူရကီနိုင်ငံ ကိုသာ အများဆုံး အထိနာ စေခဲ့သည်။ ထို့ပြင် နှစ်နိုင်ငံ ပူးပေါင်း လုပ်ဆောင်မည့် စီးပွားရေး စီမံကိန်းများနှင့် ပိုက်လိုင်း တည်ဆောက်မှု စီမံကိန်းများကို လည်း ရုရှားအစိုးရက ဖျတ်သိမ်း ပစ်လိုက်ခြင်း သည် နဂိုကပင် ယိုင်နဲ့နေသည့် တူရကီ စီးပွားရေး အတွက် မြွေပူရာ ကင်းမှောင့် သကဲ့သို့ ဖြစ်လာစေခဲ့သည်။

အရှေ့ အလယ်ပိုင်း၌ ISIS စစ်သွေးကြွ များ၏ နယ်မြေသိမ်းပိုက်မှု များကြောင့် တူရကီနိုင်ငံ အတွင်းသို့ ဒုက္ခသည် အများအပြား ဝင်ရောက်လာပြီး နောက်ပိုင်းတွင် နိုင်ငံ၏ လီရာငွေကြေး တန်ဖိုးမှာ ကျဆင်း လာခဲ့သည့်အပြင် ထိုအချိန်မှ စ၍ တူရကီနိုင်ငံ သည် ငွေကြေး ဖောင်းပွမှု ဒဏ်ကို ရင်ဆိုင် နေခဲ့ရသည်။

ယခင်က ချစ်ကြည်ရင်းနှီးစွာ ဆက်ဆံလာ ခဲ့သည့် တူရကီနှင့်ရုရှား နိုင်ငံတို့အကြား တင်းမာမှုများသည် တူရကီနိုင်ငံမှ Su-24 အမျိုးအစား ရုရှား ဗုံးကြဲလေယာဉ် တစ်စင်းကို ပြီးခဲ့သည့်နှစ် နိုဝင်ဘာလ အတွင်းက ဆီးရီးယား နယ်စပ်တွင် ပစ်ချခဲ့ပြီးနောက် စတင်ဖြစ်ပွား လာခဲ့ခြင်းဖြစ်သည်။ အဆိုပါ ကိစ္စရပ်နှင့် စပ်လျဉ်း၍ တစ်ဖက်နှင့် တစ်ဖက် ပြစ်တင်ခဲ့ကြပြီး တစ်ဖက်ကို တစ်ဖက် အလျှော့ပေးခဲ့ခြင်း မရှိသောကြောင့် နောက်ဆုံးတွင် နှစ်နိုင်ငံ ဆက်ဆံရေးမှာ အဆိုးရွားဆုံး အဆင့်သို့ ရောက်ရှိခဲ့ရသည်။

နိုင်ငံရေးအရ ကြည့်မည်ဆိုပါက တူရကီ နိုင်ငံသည် နေတိုးအဖွဲ့ဝင် နိုင်ငံတစ်နိုင်ငံ ဖြစ်ပြီး အမေရိ ကန် ပြည်ထောင်စု၏ မဟာမိတ် နိုင်ငံတစ်နိုင်ငံ မျှသာဖြစ်သည်။ တခြား တစ်ဖက်တွင် ရုရှားနိုင်ငံသည် လွှမ်းမိုး နိုင်စွမ်းရှိသည့် အင်အားကြီး နိုင်ငံတစ်နိုင်ငံ အဖြစ် ရပ်တည်လျက် ရှိသည့်အပြင် စီးပွားရေး အရ အတော်အတန် တောင့်တင်း သောကြောင့် တူရကီနိုင်ငံအပေါ် ရုရှားအစိုးရက ချမှတ်ခဲ့သည့် စီးပွားရေး ပိတ်ဆို့မှု များသည် တူရကီ စီးပွားရေး အပေါ် ဆက်လက်၍ ဆိုးကျိုးဖြစ် ပေါ် စေမည် ဖြစ်သည်။ ထို့ပြင် နိုင်ငံအတွင်း မြှင့်တက် ဖြစ်ပေါ်လျက် ရှိသည့် ISIS စစ်သွေးကြွ တို့၏ အကြမ်းဖက် တိုက်ခိုက်မှု၊ ကာ့ဒ်ခွဲထွက်ရေး သမားများ၏ တိုက်ခိုက်မှု များကြောင့် နိုင်ငံခြားသား ခရီးသွား သေဆုံးမှုများ ဖြစ်ပွား လာခြင်းသည် တူရကီနိုင်ငံအား ဘဏ္ဍာငွေ အမြောက်အမြား ရှာဖွေပေး နေသည့် ခရီးသွားလုပ်ငန်း အတွက် အိပ်မက်ဆိုး ကြီးတစ်ခု အဖြစ် ဆက်လက် ခြိမ်းခြောက် နေဦးမည် ဖြစ်သည်။