မြောက်ဦးပုဇွန်ဖေကျေးရွာမှ ရေဘေးကြောင့်သေဆုံးကလေးငယ်များ
သြဂုတ် ၂။ ။ ရက်ပေါင်းများ မိုးသည်းထန်စွာရွာပြိးနောက် မြန်မာနိုင်ငံအတွင်း မိုးကြီးရေလျှံမှုနဲ့ မြေပြိုမှုတွေကနေ သေဆုံးသူဦးရေ တိုးမြင့်လာနိုင်ကြောင်း ကုလသမဂ္ဂ က တနင်္ဂနွေနေ့က သတိပေးလိုက်ပါတယ်။လတ်တလောရက်တွေအတွင်း မြန်မာနိုင်ငံမှာဖြစ်ပေါ်နေတဲ့ ရေဘေးကြောင့် လူ ၂၇ဦးထက်မနည်းသေဆုံးပြီး လူ ၁၅၀ ၀၀၀ ကျော်ရေဘေးဒဏ်သင့်ခဲ့ရပါတယ်။ အစိုးရက မြန်မာနိုင်ငံအလယ်ပိုင်း နဲ့ အနောက်ပိုင်းက ရေဘေးဒဏ်အခံရဆုံးနေရာ ၄ခုကို ` အမျိုးသားသဘာဝဘေးဒဏ်ခံစားရတဲ့ဒေသများ´ လို့ ကြေညာခဲ့ပါတယ်။
သည်းထန်တဲ့မုတ်သုန်မိုးကြောင့် ရေကြီးမြေပြိုမှုတွေဖြစ်ပြီး အိန္ဒိယ၊ နီပေါ၊ ပါကစ္စတန် နဲ့ ဗီယက်နမ်တို့မှာလည်း သေဆုံးမှုတွေရှိခဲ့ပါတယ်။
မြန်မာနိုင်ငံမှာ မိုးသည်းထန်စွာဆက်တိုက်ရွာသွန်းနေပြီး ဝေးလံတဲ့ဒေသတွေမှာ အကြီးအကျယ်ရေလွှမ်းမိုးမှုကြောင့် လမ်းပန်းဆက်သွယ် ရေးတွေပြတ်တောက်နေတဲ့အတွက် ကယ်ဆယ်ရေးလုပ်ငန်းတွေ နှောင့်နှေးနေပါတယ်။
ကုလသမဂ္ဂ လူသားချင်းစာနာရေးလုပ်ငန်းများပူးပေါင်းဆောင်ရွက်ရေးရုံး ( OCHA) က လက်ရှိရေကြီးမှုဒဏ်ကို ခံစားရသူ ၁၅၆၀၀၀ ထက်မနည်းရှိကြောင်း မြန်မာအစိုးရရဲ့ လူမှုဝန်ထမ်းကယ်ဆယ်ရေးနဲ့ပြန်လည်နေရာချထားရေး ၀န်ကြီးဌာနရဲ့ အစီရင်ခံစာကို ကိုးကားဆိုပါတယ်။
ဒါပေမယ့် ဒေသအများအပြားကို သွားရောက်လို့မရသေးတဲ့အပြင် အကဲဖြတ်ရေးအဖွဲ့တွေ သတင်းပို့နိုင်ခြင်းမရှိတဲ့နေရာတွေ ကျန်နေသေးတဲ့ အတွက် ရေဘေးသင့်ပြည်သူအရေအတွက်ဟာ သိသိသာသာမြင့်တက်လာဖွယ်ရှိကြောင်း ကုလအေဂျင်စီက သတိပေးပါတယ်။
အစိုးရကထုတ်ပြန်တဲ့ သေဆုံးသူ ၂၇ဦးဆိုတဲ့ အရေအတွက်ဟာ လျော့နည်းနေဖွယ်ရှိကြောင်း OCHA ကဆိုပါတယ်။
` နောက်ထပ်သတင်းအချက်အလက်တွေရရင် သေဆုံးသူအရေအတွက်မြင့်တက်လာမယ်လို့ ခန့်မှန်းရပါတယ် ´ လို့ ထုတ်ပြန်ချက်မှာ ပါရှိပါတယ်။
ကျယ်ပြန့်ကြီးမားလွန်းတဲ့ ရေဘေးသင့်မှုအတိုင်းအတာဟာ အစိုးရရဲ့ အကန့်အသတ်နဲ့သာရှိတဲ့ ကယ်ဆယ်ရေးလုပ်ငန်း လုပ်နိုင်စွမ်းကို စမ်းသပ်နေပါတယ်။
မြန်မာလူမှုဖူလုံရေးဝန်ကြီးဌာနက အမည်မဖော်လိုတဲ့တာဝန်ရှိသူတစ်ဦးက နိုင်ငံ့ပြည်နယ်နဲ့ တိုင်း ၁၄ခုအနက် တစ်ခုကလွဲရင် ရေဘေး ဒဏ်ကြုံနေရပြီး ကယ်ဆယ်ရေးလုပ်သားတွေဟာ ` ရေကြီးတဲ့ဒဏ်ခံစားနေရတဲ့ဒေသတွေကို သွားရောက်ဖို့ အခက်တွေ့နေတယ်´ လို့ AFP ကို ပြောပြခဲ့ကြောင်း သိရပါတယ်။
ဘာသာပြန် - စုပြည့်စုံ
Ref: AFP
ပုံ - AFP
Kumudra
