လူပျော့ပေမယ့်
ငယ်ငယ်ကတည်းက အင်မတန် ငိုခဲတဲ့ ငါဟာ
ဘယ်သူမှ မသိပေမယ့်
စက်တင်ဘာ ၁၉ ရက် ရောက်တိုင်း
မပျက်မကွက် ငိုခဲ့ပါတယ် သူငယ်ချင်း။
ထောင်လေး တစ်လတောင် မပြည့်ဘဲ ကျခဲ့တဲ့ ငါ့ကို
မင်း အရမ်းအထင်ကြီးခဲ့ပေမယ့်
ငါက
မင်းရဲ့ နောက်ဆုံးနေ့တွေကျမှ
မင်းကို အထင်ကြီးသွားတာ
ခွင့်လွှတ်ပါ သူငယ်ချင်း။
မင်းဟာ
အရမ်းချမ်းသာတဲ့ မိသားစုရဲ့
တစ်ဦးတည်းသော ရင်သွေး၊
ဆေးကျောင်းကို အထက်စီးက ရောက်လာသူ။
မင်းက ဆေးကျောင်းသားဘဝ
မဟုတ်တာ တော်တော်များများ လုပ်လို့
ဘဝကို ပေပေတေတေနေပစ်ခဲ့တယ်။
အဲ့ဒီခေတ်ကလည်း
ပိုက်ဆံမရှိရင် ဒုက္ခရောက်မယ်၊
ပိုက်ဆံရှိရင် ပျက်စီးမယ်ဆိုတဲ့ ခေတ်ကိုး။
မင်းသာ
ငါ့ဆီက စာအုပ်တွေ ယူမဖတ်ဖြစ်ရင်
မင်းဘဝလေး သာယာနေမှာပါ။
မင်း အမှန်တရားအတွက်
နာကျည်းတတ်မှာ မဟုတ်ဘူး။
၁၉၈၈ စက်တာဘာ ၁၉
ရန်ကုန်ဆေးရုံကြီး ရင်ခွဲရုံကြမ်းပြင်မှာ
အလောင်းတွေ ပြန့်ကျဲလို့။
မင်းအလောင်းကို ခိုးဖို့
ငါတို့ ရင်ခွဲရုံထဲ ပုန်းနေခဲ့ကြတယ်။
မင်းအလောင်း ရောက်လာတဲ့အခါ
အောက်ပိုင်းမှာ ပုဆိုး ပါမလာဘူး။
နာရီနဲ့ ဆွဲကြိုးလည်း
သူခိုးတွေ ယူထားလိုက်ကြပြီ။
နဖူးက ကျည်ဆန် ဝင်ပြီး
နောက်စေ့က ပွင့်ထွက်လို့။
လူဟာ ဇိမ်ခံချင်တဲ့ အမျိုးပါ သူငယ်ချင်း။
ရေလိုက်ငါးလိုက် နေထိုင်ရင်း
ဘဝမှာ အေးအေးသက်သာ နေလိုက်ဖို့
စိတ်ကူးမိခဲ့တာ အကြိမ်ကြိမ်ပါ။
အမှန်တရားနဲ့ ကိုယ်ကျိုးစီးပွား ထိပ်တိုက်တွေ့တိုင်း
မင်းဝိဉာဉ်ဟာ ငါ့ကို ပူးကပ်
ထမင်းလုတ်တွေ ပုတ်ချလို့
မြွေဟောက်လို ခေါင်းထောင်လာစေတယ်။
ငါဟာ
ဘာအလုပ်မှ လက်ကြောတင်းအောင် မလုပ်ဖူးတဲ့
လူဘော်ကြော့ပါ။
အရင်က မီတာ ၄၀၀ လောက် လမ်းလျှောက်ရင်တောင် မောလို့။
တောထဲမှာ ဆင်းရဲဒုက္ခရောက်လိုက်မယ်ဖြစ်ခြင်းဆိုတာလည်း
တွေးပြီးသား။
တောတွေ တောင်တွေကိုဖြတ်
၁၀ ရက်ခရီးကို အရောက်သွားနိုင်ခဲ့တာ
မင်းဝိဉာဉ်ကြောင့်ပါ။
ငါက
အစ်မနှစ်ယောက်နဲ့အတူ ကြီးပြင်းခဲ့တဲ့
ကြောက်တတ်သူ လူပျော့ပါ။
ငါဟာ
သေဘေးကြုံတိုင်း ရဲရင့်ခဲ့တယ်။
ကိုယ့်ကို သတ်မယ့်သူတွေကိုတောင်
လှောင်ပြောင်ပြီး မေးခွန်းထုတ်ခဲ့လို့
ဘေးကလူတွေ အံ့သြခဲ့တယ်။
အဲ့ဒါ ငါ မဟုတ်ပါဘူး၊
မင်းဝိဉာဉ်က ငါ့ကို ပူးဝင်နေတာပါ။
တစ်နေရာတည်းမှာ အတူကျဆုံးခဲ့ရပေမယ့်
ဝင်းမော်ဦးကို ဓာတ်ပုံတစ်ပုံကြောင့်
လူသိများခဲ့ပေမယ့်
မင်းကို ဘယ်သူမှ မသိဘူး သူငယ်ချင်း။
မင်းဟာ လုပ်သင့်လုပ်ထိုက်တာမှန်သမျှ
ရဲရဲရင့်ရင့် လုပ်ခဲ့သူ၊
အမှန်တရားအတွက် နာကျည်းတတ်ခဲ့သူ
အသိအမှတ်ပြုတာ မပြုတာ
အရေးမလုပ်ခဲ့သူ
ငါ အားကျတယ် သူငယ်ချင်း။
တစ်ယောက်နဲ့အများ
ငါ သတ္တိနည်းသွားနိုင်တယ် သူငယ်ချင်း။
ငါ အမှန်တရားကနေ
သွေဖည်သွားနိုင်တဲ့အခါ
မင်း ငါ့ဆီ လာပါ သူငယ်ချင်း။
နရီမင်း
၁၀ - ၄- ၂၀၁၈