ျပည္ေထာင္စုလႊတ္ေတာ္နာယက သူရဦးေရႊမန္း၏ ညွိႏႈိင္းေစ့စပ္မႈျဖင့္ ေဒၚေအာင္ဆန္းစုၾကည္ႏွင့္ ဗိုလ္ခ်ဳပ္မွဴးႀကီးေဟာင္း ဦးသန္းေရႊတို႔ ေတြ႕ဆုံခဲ့ေၾကာင္း သတင္းရရွိသည္။
ေနျပည္ေတာ္တြင္ ဒီဇင္ဘာလ ၄ ရက္ေန႔တြင္ ဦးသန္းေရႊႏွင့္ ေဒၚေအာင္ဆန္းစုၾကည္တို႔ ေတြ႕ဆုံျခင္းျဖစ္ေၾကာင္း သိရွိရသည္။
ဦးသန္းေရႊႏွင့္ေဒၚေအာင္ဆန္းစုၾကည္ ေတြ႕ဆုံမႈသည္ ေကာင္းမြန္ခဲ့ၿပီး ဦးေရႊမန္းကလည္း သူ၏လူမႈကြန္ရက္ စာမ်က္ႏွာတြင္ လူတစ္စုအက်ဳိး၊ ပါတီအက်ဳိး စီးပြားထက္ အမ်ဳိးသားအက်ဳိးစီးပြားအတြက္ ၾကည့္လုပ္ရမည့္ အခ်ိန္ျဖစ္ေၾကာင္းထုတ္ျပန္ခဲ့သည္။
ကာကြယ္ေရး၀န္ႀကီးဌာန၊ ျပည္သူ႕ဆက္ဆံေရးႏွင့္စိတ္ဓာတ္ဆင္ေရးဌာန ညႊန္ၾကားေရးမွဴး ဗိုလ္ခ်ဳပ္ေအာင္ရဲ၀င္းက ဦးသန္းေရႊႏွင့္ေဒၚေအာင္ဆန္းစုၾကည္ ေတြ႕ဆုံမႈ ကိစၥကုိ မသိရွိေၾကာင္း၊ တပ္မေတာ္ႏွင့္လည္း မပတ္သက္ေၾကာင္း ဧရာ၀တီသုိ႔ ေျပာဆုိသည္။
"ဒီကိစၥက က်ေနာ္တုိ႔နဲ႔မဆုိင္ပါဘူး။ သူ(ဦးသန္းေရႊ) က တပ္မေတာ္ကလည္း မဟုတ္ေတာ့ဘူး။ က်ေနာ္တုိ႔လည္း မသိပါဘူး"ဟု ဗိုလ္ခ်ဳပ္ေအာင္ရဲ၀င္းက ေျပာသည္။
The Irrawaddy (Burmese Version)
...............
ဦးရွှေမန်း၏ ကြားဝင် စေ့စပ်မှုဖြင့် ဦးသန်းရွှေနှင့်ဒေါ်အောင်ဆန်းစုကြည် တွေ့ဆုံခဲ့၊ တွေ့ဆုံဆွေးနွေးမှု ကောင်းမွန်ဟုဆို
ဧရာဝတီ
ပြည်ထောင်စုလွှတ်တော်နာယက သူရဦးရွှေမန်း၏ ညှိနှိုင်းစေ့စပ်မှုဖြင့် ဒေါ်အောင်ဆန်းစုကြည်နှင့် ဗိုလ်ချုပ်မှူးကြီးဟောင်း ဦးသန်းရွှေတို့ တွေ့ဆုံခဲ့ကြောင်း သတင်းရရှိသည်။
နေပြည်တော်တွင် ဒီဇင်ဘာလ ၄ ရက်နေ့တွင် ဦးသန်းရွှေနှင့် ဒေါ်အောင်ဆန်းစုကြည်တို့ တွေ့ဆုံခြင်းဖြစ်ကြောင်း သိရှိရသည်။
ဦးသန်းရွှေနှင့်ဒေါ်အောင်ဆန်းစုကြည် တွေ့ဆုံမှုသည် ကောင်းမွန်ခဲ့ပြီး ဦးရွှေမန်းကလည်း သူ၏လူမှုကွန်ရက် စာမျက်နှာတွင် လူတစ်စုအကျိုး၊ ပါတီအကျိုး စီးပွားထက် အမျိုးသားအကျိုးစီးပွားအတွက် ကြည့်လုပ်ရမည့် အချိန်ဖြစ်ကြောင်းထုတ်ပြန်ခဲ့သည်။
ကာကွယ်ရေးဝန်ကြီးဌာန၊ ပြည်သူ့ဆက်ဆံရေးနှင့်စိတ်ဓာတ်ဆင်ရေးဌာန ညွှန်ကြားရေးမှူး ဗိုလ်ချုပ်အောင်ရဲဝင်းက ဦးသန်းရွှေနှင့်ဒေါ်အောင်ဆန်းစုကြည် တွေ့ဆုံမှု ကိစ္စကို မသိရှိကြောင်း၊ တပ်မတော်နှင့်လည်း မပတ်သက်ကြောင်း ဧရာဝတီသို့ ပြောဆိုသည်။
"ဒီကိစ္စက ကျနော်တို့နဲ့မဆိုင်ပါဘူး။ သူ(ဦးသန်းရွှေ) က တပ်မတော်ကလည်း မဟုတ်တော့ဘူး။ ကျနော်တို့လည်း မသိပါဘူး"ဟု ဗိုလ်ချုပ်အောင်ရဲဝင်းက ပြောသည်။
The Irrawaddy (Burmese Version)